சொல்லில் வாய்மையும், செயலில் நேர்மையும் நிறைந்த மேஷ ராசிக்காரர்களே!
இந்த வாரம், உங்கள் ராசிக்கு சுக்கிரன், ராகு, புதன் அளப்பரிய நற்பலன் தருவர். நடை, உடை, செயலில் புதுப் பொலிவு உருவாகும். பணிகளை பொறுப்புணர்வுடன் நிறைவேற்றுவீர்கள். கூடுதல் பணவரவில் குடும்பத்தினரின் தேவை பூர்த்தியாகும். வாகனத்தில் பராமரிப்பு தேவைப்படும். புத்திரர் வெளியிடம் சுற்றுவதில் ஆர்வம் கொள்வர். உடல் நலம் ஆரோக்கிய பலம் பெறும். இல்லறத் துணை கருத்து ஒற்றுமையுடன் நடந்து கொள்வார். தொழிலில் சீர்திருத்தம் செய்வீர்கள். பணியாளர், கடமையை உணர்ந்து பணிபுரிவர். பெண்கள், நற்செயல்களால் பாராட்டு பெறுவீர்கள். மாணவர்கள், ஆசிரியரின் வழிகாட்டுதலை தவறாமல் பின்பற்றுவீர்கள்.
பரிகாரம்: மகா லட்சுமியை வழிபடுவதால், தொழில் சிறந்து பண வரவு கூடும்.
லட்சியம் நிறைவேற மன உறுதியுடன் பணிபுரியும், ரிஷப ராசிக்காரர்களே!
இந்த வாரம், உங்கள் ராசிக்கு சனி, ராகு, குரு தவிர மற்ற கிரகங்கள் அனுகூல அமர்வில் உள்ளனர். குடும்பத்தில் செல்வ வளம் அதிகரிக்கும். வார்த்தையில் நிதானமும், புத்திசாலித்தனமும் சம அளவில் இருக்கும். உடன் பிறந்தவர்களால் உதவி உண்டு. சிலர், வீடு, வாகனம் வாங்க நல்யோகம் ஏற்படும். புத்திரர் சில விஷயங்களில் அதிருப்தி கொள்வர். சவால்களை வெல்ல வாய்ப்பு வரும். இல்லறத் துணை விரும்பிய பொருள் வாங்கித் தருவீர்கள். தொழிலில் அபரிமிதமான வளர்ச்சி ஏற்படும். பணியாளர்களுக்கு சலுகை உண்டு. பெண்கள், புத்தாடை, அணிகலன் வாங்குவர். மாணவர்கள், அறிவுத் திறனில் மேம்படுவர்.
சந்திராஷ்டமம்: 14.3.15 நள்ளிரவு 12:01 மணி முதல்15.03.15 நள்ளிரவு 1:36 மணி வரை.
பரிகாரம்: ராம பிரானை வழிபடுவதால், செயல் முழு அளவில் நிறைவேறும்.
நம்பிக்கையுடன் செயல்புரிந்து அதிக நன்மை பெறும், மிதுன ராசிக்காரர்களே!
இந்த வாரம், உங்கள் ராசிக்கு சூரியன், சுக்கிரன், குரு, சனி சிறப்பான பலன் தருவர். வாழ்வியலின் சூழல் உணர்ந்து செயல்படுவீர்கள். சமூகத்தில் மதிப்பு, மரியாதை கூடும். வீடு, வாகனப் பாதுகாப்பில் உரிய கவனம் வேண்டும். புத்திரர், மன மகிழ்ச்சியுடன் பழகுவர். வழக்கு விவகாரத்தில் சாதகமான தீர்வு கிடைக்கும். வெளியூர் பயணம் இனிய அனுபவம் தரும். இல்லறத் துணை வழி சார்ந்த உறவினர் அதிக அன்பு பாராட்டுவர். தொழில், வியாபாரத்தில் அபிவிருத்திக்கான பண உதவி கிடைக்கும். பணியாளர்களுக்கு அதிர்ஷ்டகரமாக சில நன்மை வரும். பெண்கள், மங்கல நிகழ்ச்சியில் ஆர்வமுடன் பங்கேற்பீர்கள். மாணவர்கள் தன் தகுதி, திறமையை உணர்ந்து செயல்படுவர்.
சந்திராஷ்டமம்: 15.03.15 நள்ளிரவு 1:37 மணி முதல் 18.03.15 அதிகாலை 4:32 மணி வரை.
பரிகாரம்: ஹயக்கிரீவரை வழிபடுவதால், நற்பலன் பெற மனதில் புதிய யோசனை பிறக்கும்.
நற்பணி செய்து, சமூகத்தில் அந்தஸ்து பெறுகிற, கடக ராசிக்காரர்களே!
இந்த வாரம், உங்கள் ராசிக்கு மூன்றாம் இடத்தில் உள்ள ராகு, தினகதி சுழற்சி கிரகம் சந்திரன் மட்டுமே நற்பலன் தருவர். வாழ்வில் பெற்ற நன்மையை பாதுகாப்பதில் அக்கறை கொள்வீர்கள். உடன் பிறந்தவரின் கருத்தை விமர்சிக்க வேண்டாம். தாயின் தேவையை நிறைவேற்றுவதால், குடும்ப ஒற்றுமை வளரும். புத்திரரின் அறிவுத் திறன் மேம்பட பயிற்சி தருவீர்கள். ஒவ்வாத உணவு உண்ண வேண்டாம். இல்லறத் துணையிடம் விவாதம் பேசக்கூடாது. தொழில், வியாபாரத்தில் அளவான மூலதனம் போதும். பணியாளர், நிதானித்து பணிபுரிவது நல்லது. பெண்கள், நகை பாதுகாப்பில் உரிய கவனம் வேண்டும். மாணவர்கள், சாகச விளையாட்டில் ஈடுபடக்கூடாது.
சந்திராஷ்டமம்: 18.03.15 அதிகாலை 4:33 மணி முதல்20.03.15 காலை 6:44 மணி வரை.
பரிகாரம்: நாக தேவதையை வழிபடுவதால், வாழ்வில் சகல வளமும் கிடைக்கும்.
இன்ப, துன்ப நிகழ்வுகளை மனப்பக்குவத்துடன் ஏற்கும் சிம்ம ராசிக்காரர்களே!
இந்த வாரம், உங்கள் ராசிக்கு சுக்கிரன், சந்திரன் மட்டுமே ஓரளவு நற்பலன் தருவர். நன்கு பழகியவரிடமும் பேசுவதில், நிதானம் வேண்டும். சகோதரியின் உதவி, மனதில் புதிய நம்பிக்கையைத் தரும். வீடு, வாகனத்தில் பராமரிப்பு தேவைப்படும். புத்திரர் விரும்பிய பொருள் வாங்குவதில் ஆர்வம் கொள்வீர். எதிர்மறை சூழலின் சிரமம் உணர்ந்து விலகுவீர்கள். இல்லறத் துணை கூடுதல் அன்பு, பாசம் கொள்வார். தொழில் வளர்ச்சி பெற நவீன தொழில்நுட்பம் பயன்படுத்துவீர்கள். பணியாளர்களுக்கு வேலைவாய்ப்பு அதிகரிக்கும். பெண்கள், உறவினர் குடும்ப விவகாரம் பேச வேண்டாம். மாணவர்கள், நண்பரின் உதவியால் படிப்பில் முன்னேற்றம் காண்பர்.
சந்திராஷ்டமம்: 20.03.15 காலை 6:45 மணி முதல்21.03.15 அன்று நாள் முழுவதும்.
பரிகாரம்: ஆஞ்சநேயரை வழிபடுவதால், வாழ்வில் துன்பம் விலகி நன்மை கிடைக்கும்.
குடும்பச் சூழல் உணர்ந்து வாழ்க்கையை நடத்தும், கன்னி ராசிக்காரர்களே!
இந்த வாரம், உங்கள் ராசிக்கு சனி, புதன், சுக்கிரன், குரு கூடுதல் நற்பலன் தருவர். உழைப்பினால் அதிக பண வரவு கிடைக்கும். சமூகப் பணியில் ஆர்வம் வளரும். உடன் பிறந்தவர்களுக்கு உதவுவீர்கள். தாயின் நல் ஆசி துணை நிற்கும். புத்திரர் அறிவு, வேலைத் திறனில் மேம்படுவர். வழக்கு விவகாரத்தில் சாதகமான தீர்வு கிடைக்கும். இல்லறத் துணைக்கு மருத்துவ சிகிச்சை தேவைப்படலாம். தொழில் வளர பலவித வாய்ப்பு தேடி வரும். பணியாளர் குறித்த காலத்தில் பணி இலக்கு நிறைவேற்றுவர். பெண்கள் மகிழ்ச்சிகர மனநிலை பெறுவர். மாணவர்கள், படிப்பில் சிறந்து விளங்குவர்.
பரிகாரம்: விஷ்ணு பகவானை வழிபடுவதால், குடும்பத்தில் மங்கல நிகழ்வு உண்டாகும்.
காலத்தை பொன் போல மதித்து பணி மேற்கொள்ளும், துலாம் ராசிக்காரர்களே!
இந்த வாரம், உங்கள் ராசிக்கு ஆறாம் இடத்தில் சூரியன், செவ்வாய், கேதுவின் அமர்வு சிறப்பாக உள்ளது. பேச்சில் நீதி, நேர்மைக் குணம் மிகுந்திருக்கும். வாழ்வில் பின்பற்றிய கடந்த கால நடைமுறை, புதிய பயன்களைத் தரும். வீடு, வாகனத்தில் நம்பகத்தன்மை குறைவானவருக்கு இடம் தர வேண்டாம். புத்திரரை வழி நடத்துவதில் நிதானம் வேண்டும். உடல் நல ஆரோக்கியம் பலம் பெறும். நற்செயல்களால் இல்லறத் துணையின் மனதில் நம்பிக்கையை வளருங்கள். தொழில் சார்ந்த இடையூறை தாமதமின்றி சரி செய்யவும். பணியாளர் நிர்வாகத்தின் வழிகாட்டுதலை பின்பற்றவும். பெண்கள், பிரார்த்தனை நிறைவேற தெய்வ வழிபாடு மேற்கொள்ளலாம். மாணவர்கள், மனதில் புதிய தெளிவைப் பெறுவர்.
பரிகாரம்: சனி பகவானை வழிபடுவதால், நீதி தேவதையின் அருள் கிடைக்கும்.
மனசாட்சிக்கு அதிக முக்கியத்துவம் தருகின்ற, விருச்சிக ராசிக்காரர்களே!
இந்த வாரம், உங்கள் ராசிக்கு புதன், குரு, ராகு நற்பலன் தருவர். ஆதாயம் தருகிற செயல்களில் ஈடுபடுவீர்கள். நண்பரின் ஆதரவு கிடைக்கும். வீடு, வாகனத்தில் கூடுதல் பயன்பாட்டு வசதி பெற மாற்றம் செய்வீர்கள். புத்திரரின் கவனக் குறைவான செயல்களை ஒழுங்குபடுத்துவது நல்லது. அறிமுகம் இல்லாத பெண்களுக்கு உதவுவதில் முன்யோசனை வேண்டும். இல்லறத் துணையிடம் கருத்து வேறுபாடு வராமல் தவிர்க்கவும். தொழிலில் போட்டி அதிகரிக்கும். பணியாளர், பணியிடத்தில் விவாதம் பேச வேண்டாம். பெண்கள், வீட்டு உபயோகப் பொருட்கள் வாங்குவீர்கள். மாணவர்களின் படிப்புக்கான பணம் கிடைக்கும்.
பரிகாரம்: பைரவரை வழிபடுவதால், கிரகங்களால் வருகின்ற கெடு பலன் குறையும்.
தன்னால் இயலாத காரியங்களை தவிர்த்திடும், தனுசு ராசிக்காரர்களே!
இந்த வாரம், உங்கள் ராசிக்கு நவக்கிரகங்களில் சுக்கிரன், சந்திரன் மட்டுமே ஓரளவு நற்பலன் தருவர். தெய்வ நம்பிக்கையுடன் பணிபுரிவீர்கள். நண்பரின் உதவி ஊக்கம் தரும். எதிர்மறையாக பேசுபவரிடம் விலகவும். வாகனத்தில் மித வேகம் பின்பற்றவும். மகளின் ஜாதக யோக பலம் சில நன்மைகளைத் தரும். சொத்து ஆவணம் பாதுகாப்பதில் அதிக கவனம் வேண்டும். இல்லறத் துணை குடும்ப நலனில் அக்கறை கொள்வார். தொழில், வியாபாரத்தில் வருகிற போட்டியை, மாற்று உபாயத்தால் சரி செய்யவும். இயந்திரப் பிரிவு பணியாளர் பாதுகாப்பு முறை தவறாமல் பின்பற்றவும். பெண்கள், கலை அம்சம் நிறைந்த பொருள் வாங்குவர். மாணவர்கள், பாதுகாப்பு குறைந்த இடங்களில் செல்லக்கூடாது.
பரிகாரம்: அன்னை மீனாட்சியை வழிபடுவதால், குடும்பத்தில் ஒற்றுமை, மகிழ்ச்சி வளரும்.
கருணை மனதுடன், பிறருக்கு இயன்ற அளவில் உதவும், மகர ராசிக்காரர்களே!
இந்த வாரம், உங்கள் ராசிக்கு புதன், ராகு தவிர மற்ற கிரகங்கள் அனுகூல அமர்வில் உள்ளனர். சொல்லும், செயலும் புதுப் பொலிவு பெறும். ஆன்மிக நெறிமுறைகளை மன உறுதியுடன் பின்பற்றவீர்கள். உடன் பிறந்தவர்களுக்கு மங்கல நிகழ்ச்சி நடத்த அனுகூலம் உண்டு. உறவினர்களின் வருகை குடும்பத்தில் மகிழ்ச்சியைத் தரும். புத்திரர் சமூக நிகழ்வுகளை அறிந்து கொள்ள உதவுவீர்கள். மறைமுகமாக இடையூறு செய்பவரை அடையாளம் காண வாய்ப்பு வரும். இல்லறத் துணை புதுமை கருத்துகளை சொல்லுவார். தொழில், வியாபாரத்தில் அபிவிருத்திப் பணி நிறைவேறும். பணியாளர்களுக்கு சலுகை கிடைக்கும். பெண்கள், புத்தாடை, அணிகலன் வாங்க நல்யோகம் உண்டு. மாணவர்கள், சுறுசுறுப்பாக செயல்படுவர்.
பரிகாரம்: மாரியம்மனை வழிபடுவதால், மகிழ்ச்சி நிறைந்த வாழ்வு பெறுவீர்கள்.
சிறிய நன்மையும் பெரிதென போற்றும், கும்ப ராசிக்காரர்களே!
இந்த வாரம், உங்கள் ராசிக்கு சுக்கிரன், சந்திரன் ஓரளவு நற்பலன் வழங்குவர். மற்ற கிரகங்கள் எதிர்மறையாக உள்ளனர். எந்த செயலிலும் முன்யோசனை அவசியம். உதவுகின்ற உறவினர் யார் என்பதை அறிவீர்கள். கண்களின் பாதுகாப்பில் உரிய கவனம் வேண்டும். நீண்ட துார வாகன பயணத்தில் மித வேகம் பின்பற்றவும். புத்திரர், தத்துவ, ஞான மார்க்கங்களில் ஈடுபாடு கொள்வர். எதிரியின் இரக்க குணம் மனதில் வியப்பைத் தரும். இல்லறத் துணை ஆறுதலாக நடந்து கொள்வார். தொழில், வியாபாரம் தாமத கதியில் இயங்கும். பணியாளர் கெடுபிடி குணம் கொண்டவரிடம் பணம் கடன் பெற வேண்டாம். பெண்கள், ஆரோக்கிய உடல் நலம் பெறுவர். மாணவர்கள், தன் கடமை உணர்வது நல்லது.
பரிகாரம்: சிவபெருமானை வழிபடுவதால், எதிர்ப்பாளரும் உதவுகிற புதிய சூழல் ஏற்படும்.
கடின உழைப்பினால் செல்வ வளம் அதிகம் பெறுகிற, மீன ராசிக்காரர்களே!
இந்த வாரம், உங்கள் ராசிக்கு தேவ குரு வியாழன், அசுர குரு சுக்கிரன் அளப்பரிய வகையில் நற்பலன் தருவர். பேசும் வார்த்தை இனிதாக அமைந்து, சமூக அந்தஸ்து உள்ளவர்களின் நட்பை பெற்றுத் தரும். பணச் செலவில் சிக்கனம் நல்லது. வீடு, வாகனத்தில் பாதுகாப்பு முறை தவறாமல் பின்பற்றவும். புத்திரர் உயர்ந்த எண்ணம், செயல்களினால் படிப்பு, வேலையில் முன்னேற்றம் காண்பர். எதிரி மறைமுகமாக இடையூறு செய்வர். இல்லறத் துணையின் கூடுதல் அன்பு, பாசம் நெகிழ்ச்சி தரும். தொழிலில் அதிகம் பணிபுரிவதால், பண வரவு சீராகும். பணியாளர்கள், கடமை உணர்ந்து செயல்படுவர். பெண்கள், குடும்ப நலன் பாதுகாத்திடுவர். மாணவர்கள், ஒவ்வாத உணவு உண்ண வேண்டாம்.
பரிகாரம்: தன் வந்திரி பகவானை வழிபடுவதால், உடல் நலம் ஆரோக்கியம் பெறும்.
