நிகழ்வுகளை பக்குவ மனதுடன் ஏற்கும், மேஷ ராசிக்காரர்களே!
உங்கள் ராசியில், தன, சப்தம ஸ்தான அதிபதி சுக்கிரன், ஆறாம் இடத்தில் ராகு அனுகூல அமர்வில் உள்ளனர். அறுசுவை உணவு, புத்தாடை நிம்மதியான நித்திரை நல்ல விதமாக கிடைக்கும். பிறரை விமர்சிக்க வேண்டாம். உடன்பிறந்தவர் எதிர்பார்ப்புடன் அணுகுவர். வாகன பயன்பாடு சராசரி அளவில் இருக்கும். புத்திரர் அதிக பணம் செலவு செய்ய விரும்புவார். வழக்கில் சாதகமான தீர்வு கிடைக்கும். இல்லறத்துணை கருத்து ஒற்றுமை கொள்வார். தொழிலில் உள்ள அனுகூலம் பாதுகாக்கவும். பணியாளர், பொறுப்புணர்வுடன் செயல்பட வேண்டும். பெண்கள், உறவினர்களுக்கு உதவுவர். மாணவர்கள், எதிர்கால கடமை உணர்ந்து செயல்பட வேண்டும்.
பரிகாரம்: விஷ்ணு பகவானை வழிபடுவதுடன், இனிப்பு பதார்த்தம் நிவேதனம் செய்யலாம்.
லட்சியம் நிறைவேற்ற அயராமல் பணிபுரியும், ரிஷப ராசிக்காரர்களே!
உங்கள் ராசிக்கு, இந்த வாரம் சூரியன், புதன், சுக்கிரன் கேது நற்பலன் தருவர். குடும்ப நலன் மேம்பட பாடுபடுவீர்கள். அரசு உதவி கிடைக்க அனுகூலம் உண்டு. பணவரவு திருப்திகரமாகும். இனிய சொல்லும் இடம் அறிந்து பேசவும். சிலர், புதிய வாகனம், வீடு வாங்குகிற முயற்சி நிறைவேறும். புத்திரரின் எண்ணங்களை ஒழுங்கு செய்து, அன்பை வளர்ப்பீர்கள். எதிர்மறையானவரும், உங்களின் செயல்திறன் பாராட்டுவர்.
இல்லறத் துணையின் உடல்நலத்திற்கு சிகிச்சை உதவும். தொழில், வியாபாரத்தில் நேரடி கவனம் பலவித நன்மையும் தரும். பணியாளர்களுக்கு சலுகை கிடைக்கும். பெண்கள், பிரார்த்தனை நிறைவேறி நன்றி சொல்ல வழிபாடு நடத்துவர். மாணவர்கள், ஞாபகத்திறன் வளர்த்து அதிக தேர்ச்சி விகிதம் பெறுவர்.
பரிகாரம்: முருகப் பெருமானை வழிபடுவதுடன், ஏழைச் சிறுவர்களுக்கு புத்தாடை வழங்கலாம்.
இரக்க மனதுடன் இயன்ற அளவில் பிறருக்கு உதவும், மிதுன ராசிக்காரர்களே!
உங்கள் ராசிக்கு பெரும்பான்மை கிரகங்களின் நல்லருள் பலம் உள்ளது. சாதனை நிகழ்த்த திட்டமிடுவீர்கள். முயற்சி சிறந்து முழு அளவில் நன்மை தரும். உடன்பிறந்தவரின் மங்கல நிகழ்ச்சிக்கு உதவுவீர்கள். வாகனத்தில் பயன்பாடு திருப்திகரமாக இருக்கும். புத்திரர் ஆன்மிக கருத்து அறிவதில் ஆர்வம் கொள்வர். நிலுவைப் பணம் வசூலாகும். இல்லறத்துணை உங்களின் அந்தஸ்து பெருக வழி கூறுவார். தொழில், வியாபார அபிவிருத்தி பணி நிறைவேறும். பணியாளர், கூடுதல் வேலைவாய்ப்பு பெறுவர். பெண்கள், மகிழ்ச்சிகர வாழ்வு நடத்துவர். மாணவர்கள் செயலில் நன்மை, தீமை உணர்ந்து நடந்து கொள்வர்.
பரிகாரம்: விநாயகரை வழிபடுவதுடன், அவல், பொரி நாட்டு சர்க்கரை நிவேதனம் செய்யலாம்.
செயல்களில் நீதி, நேர்மையை பின்பற்றும், கடக ராசிக்காரர்களே!
உங்கள் ராசிக்கு ராகு, சந்திரன் மட்டுமே அனுகூல பலன் தருவர். கடந்த நாட்களில் நீங்கள் புறக்கணித்தவர் தரும் உதவி மனதில் நெகிழ்ச்சி தரும். வாழ்வின் நிதர்சனம் உணர்ந்து செயல்படுவீர்கள். வாகனத்தில் மிதவேகம் பின்பற்றவும். புத்திரரின் செயல் குறையை கண்டிப்பதில் நிதானம் வேண்டும். பகைமை குணம் உள்ளவர், உங்களுக்கு உதவுவது போல பாசாங்கு செய்வர். இல்லறத்துணை உங்கள் மீது கொண்ட அன்பு, நம்பிக்கைக்கு குறை வராமல் நடந்து கொள்ளவும். தொழில், வியாபாரம் மந்த கதியில் இயங்கும். பணியாளர், பணம், கடன் பெறுவதில் நிதானம் வேண்டும். பெண்கள், குடும்ப உறுப்பினர் எண்ணங்களுக்கு முக்கியத்துவம் தர வேண்டும். மாணவர்கள் ஆடம்பர செலவினம் தவிர்க்கவும்.
பரிகாரம்: அன்னை மீனாட்சியை வழிபடுவதுடன், தாயின் தேவையை அறிந்து நிறைவேற்றலாம்.
நல்ல செயல்களினால் பிறர் மனதில் இடம் பெறும், சிம்ம ராசிக்காரர்களே!
உங்கள் ராசிக்கு தன, லாப ஸ்தான அதிபதி புதன், தொழில் ஸ்தான அதிபதி சுக்கிரன் அனுகூல அமர்வில் உள்ளனர். மனதில் மகிழ்ச்சி நிறைந்திருக்கும். சிரமங்களை வெல்லும் திறன் அறிவீர்கள். சம்பந்தி வழி உறவினரால் நன்மை உண்டு. வாகன பயன்பாடு சராசரி அளவில் இருக்கும். புத்திரர் கூடுதல் அன்பு, பாசம் கொள்வர். உடல்நலம் பேணுவதில் கவனம் கூடும். இல்லறத்துணை இணக்கமுடன் நடந்து கொள்வார். தொழில், வியாபார நிறுவன இடங்களை அழகுபடுத்துவீர்கள். பணியாளர்களுக்கு கூடுதல் சன்மானம் கிடைக்கும். பெண்கள், பணம் சேமிப்பர். மாணவர்கள், நண்பரிடம் உருவான மனக்கிலேசம் சரி செய்வர்.
பரிகாரம்: ஆஞ்சநேயரை வழிபடுவதுடன், வெண்ணெய், செந்துாரம் சாற்றலாம்.
ண்பர்களின் கருத்துக்கு நன்மதிப்பு தரும், கன்னி ராசிக்காரர்களே!
உங்கள் ராசிக்கு குரு, சுக்கிரன், சனி பகவானின் நல்லருள் பலமாக உள்ளது. ‘சனி கொடுப்பதை எவர் தடுப்பர்’ என்பது ஜோதிட மொழி. உள்ளன்புடன் பழகுகிற நண்பர் வியத்தகு அளவில் உதவுவார். சமூகத்தில் அந்தஸ்து கூடும். சுற்றுலா மேற்கொள்வீர்கள். புத்திரர், அறிவு செயல்திறனில் மேம்படுவர். உடல்நல ஆரோக்கியம் சீராக இருக்கும். இல்லறத்துணையின் மனதில் நம்பிக்கையை வளர்ப்பீர்கள். தொழில், வியாபாரத்தில் உள்ள குறைகளை சரி செய்வீர்கள். பணியாளர், கூடுதல் தொழில்நுட்பம் அறிந்து கொள்வர். பெண்கள், மனதில் புதிய லட்சியம் உருவாக்குவர். மாணவர்கள் சுய திறன் உணர்ந்து படிப்பில் முன்னேறுவர்.
பரிகாரம்: சனி பகவானை வழிபடுவதுடன், மாற்றுத்திறனாளிக்கு உதவலாம்.
குறையை தாமதமின்றி சரி செய்யும், துலாம் ராசிக்காரர்களே!
உங்கள் ராசிக்கு ஆறாம் இடத்தில் சூரியன், புதன், கேது அனுகூலமாக உள்ளனர். மனதில் புத்தொளி பிறக்கும். வெற்றியை நோக்கி நடைபோடுவீர்கள். செயல் அத்தனையும் குடும்ப நலன் சார்ந்து இருக்கும். அறிமுகம் இல்லாதவருக்கு வாகனத்தில் இடம் தர வேண்டாம். புத்திரர் சில விஷயங்களில் முரண்படுவர். பிணி தொந்தரவு குறையும். இல்லறத்துணையின் உடல்நலத்தில் கவனம் வேண்டும். தொழில், வியாபாரத்திற்கு நல்லோரின் ஆலோசனை உதவும். பணியாளர், நிர்வாகத்தின் சட்ட திட்டம் தவறாமல் பின்பற்றவும். பெண்கள், பணச்செலவில் சிக்கனம் மேற்கொள்வர். மாணவர்கள், புதிய பயிற்சி முறை பின்பற்றுவர்.
பரிகாரம்: தட்சிணாமூர்த்தியை வழிபடுவதுடன், வாழ்வு வளம் பெற நல்வழி சொன்னவருக்கு
உதவலாம்.
தன்னை புகழ்ந்து பேசுபவரிடம் கவனமுடன் பழகும், விருச்சிக ராசிக்காரர்களே!
உங்கள் ராசிக்கு செவ்வாய், குரு, ராகு நற்பலன் தருவர். இனம் புரியாத பயம் விலகி, தைரியம் வளரும். சமூகப் பணியிலும் ஆர்வம் கொள்வீர்கள். வீடு, வாகனத்தில் கூடுதல் பயன்பாட்டு வசதி பெற மாற்றம் செய்வீர்கள். புத்திரர், காலத்தை பொன்னாக மதித்து நடக்க இதமான அறிவுரை சொல்வீர்கள். விவகாரம் அணுகாத சுமுக வாழ்வு பெறுவீர்கள். இல்லறத்துணையின் செயல்களில் குளறுபடி ஏற்படலாம். தொழில், வியாபாரத்தில் போட்டி அதிகரிக்கும். பணியாளர், கூடுதல் வேலைவாய்ப்பை தவறாமல் பயன்படுத்தவும். பெண்கள், நகை இரவல் கொடுக்க, வாங்க வேண்டாம். மாணவர்கள் சோம்பல் குணம் தவிர்த்து படிப்பில் கவனம் கொள்வர்.
பரிகாரம்: ராமபிரானை வழிபடுவதுடன், அன்புச் சகோதரர்களுக்கு உதவலாம்.
வெற்றியை மனதில் கொண்டு செயல்படும் தனுசு ராசிக்காரர்களே!
உங்கள் ராசிக்கு சந்திரன், புதன், சுக்கிரன் நற்பலன் தருவர். நண்பர்களுக்கு உரிய மரியாதை தருவீர்கள். சமூக நிகழ்வுகளின் தாக்கம் வருத்தம் தரும். உறவினர் குடும்ப சுப நிகழ்ச்சியில் கலந்து கொள்வீர்கள். வாகனத்தில் மித வேகம் பின்பற்றவும். புத்திரரின் நற்செயலை பாராட்டுவதில் நண்பருக்கு இணையாக நடந்து கொள்வீர்கள். குடும்பத்தேவை நிறைவேற்ற அதிக பணம் தேவைபடும். இல்லறத்துணை கூடுதல் அன்பு பாசத்துடன் உதவுவார். தொழில், வியாபாரம் புதியவர்களின் வருகையால் செழிக்கும். பணியாளர், கடமையை உணர்ந்து செயல்படுவர். பெண்கள், குடும்ப நலனில் அக்கறை கொள்வர். மாணவர்கள் புதியவரை நண்பராக ஏற்பதில் கவனம் வேண்டும்.
சந்திராஷ்டமம்: 29.3.15 அதிகாலை 3:37 மணி முதல் 31.3.15 மதியம் 2:04 மணி வரை.
பரிகாரம்: சிவபெருமானை வழிபடுவதுடன், சிவனடியாருக்கு உணவுப்பொருள் வழங்கலாம்.
அன்பு நிறைந்த செயலால் நற்பெயர் பெறும் மகர ராசிக்காரர்களே!
உங்கள் ராசிக்கு செவ்வாய், புதன், ராகு தவிர மற்ற கிரகங்கள் வியத்தகு நற்பலன் தருவர். பேச்சில் ஆன்மிக ஞானம் பரிமளிக்கும். புதியவர்களின் நட்பு, நல்ஆசி கிடைக்கும். உடன்பிறந்தவருடன் வாகனத்தில் பயணிக்கும் போது மித வேகம் பின்பற்றவும். புத்திரர் உங்கள் சொல் கேட்டு நடந்து கொள்வர். கடந்த நாட்களில் எதிர்மறையாக தெரிந்த விஷயம் அனுகூலம் தருவதாக மாறும். இல்லறத்துணை தாய்வீட்டு சொந்தங்களை அறிமுகம் செய்வார். தொழில், வியாபாரத்தில் வளர்ச்சி பெற இல்லறத்துணையின் உதவி கண்காணிப்பு துணை நிற்கும். பணியாளர், பாராட்டு, வெகுமதி பெறுவர். பெண்களுக்கு தாய்வீட்டு உதவி கிடைக்கும். மாணவர்கள் அதிக பயன் தராத பொருள் வாங்க வேண்டாம்.
சந்திராஷ்டமம்: 31.3.15 மதியம் 2:05 மணி முதல் 2.4.15 நள்ளிரவு 1:42 மணி வரை
பரிகாரம்: சனி பகவானை வழிபடுவதுடன், காகத்திற்கு எள் கலந்த தயிர் சாதம் வைக்கலாம்.
சிறு நன்மையும் பெரிதென கருதி மகிழும், கும்ப ராசிக்காரர்களே!
உங்கள் ராசிக்கு சந்திரன், செவ்வாய், சுக்கிரன் நற்பலன் தருவர். மனதில் தாழ்ச்சி எண்ணம் விலக்குவது நல்லது. தொடரும் முயற்சியினால், பணி சிறக்கும். பொது இடங்களில் நண்பரிடம் அதிக பேச்சு வேண்டாம். உறவினர் வருகையால் வீட்டில் மகிழ்ச்சி அதிகரிக்கும். புத்திரர் உடல்நலத்திற்கு மருத்துவ சிகிச்சை தேவைப்படலாம். சொத்து பராமரிப்பில் நம்பகமானவருக்கு இடம் தர வேண்டும். இல்லறத்துணை உங்களின் செயல் குறையை சரி செய்வார். தொழில், வியாபாரத்தில் சில மாற்றம் கொண்டு வருவீர்கள். பணியாளர்களுக்கு நிதியுதவி கிடைக்கும். பெண்கள், தெய்வ வழிபாட்டில் கலந்து கொள்வர். மாணவர்கள் தன் சிறப்பை உணர்ந்து நடப்பர்.
சந்திராஷ்டமம்: 3.4.15 அதிகாலை 1:42 மணி முதல் 4.4.15 அன்று நாள் முழுவதும்.
பரிகாரம்: பைரவரை வழிபடுவதுடன், வேத சாஸ்திரம் பயிலும் மாணவர்களுக்கு உதவலாம்.
சிரமம் தவிர்க்க சமயோசிதமாக செயல்படும், மீன ராசிக்காரர்களே!
உங்கள் ராசிக்கு தேவகுரு வியாழன், அசுரகுரு சுக்கிரன் இவர்களுடன் சந்திரனும் நற்பலன் தருவார். மனதில் ஒருமுகத்தன்மை உருவாக்குவீர்கள். செயல் நிறைவேற அனுபவ அறிவு துணை நிற்கும். வார்த்தையின் வசீகரம் புதியவர்களின் அன்பைப் பெற்றுத்தரும். வீடு, வாகனத்தில் பாதுகாப்பு தவறாமல் பின்பற்றவும். புத்திரர் பொது அறிவு வளர்த்துக் கொள்வார். ஒவ்வாத உணவு உண்ண வேண்டாம். இல்லறத்துணை உங்களின் நற்குணம் உணர்ந்து கொள்வார். தொழில், வியாபாரத்தில் பணவரவு அதிகரிக்கும். பணியாளர், சக பணியாளருடன் நட்பு பாராட்டுவர். பெண்கள், குடும்பத்தின் எதிர்கால நலனுக்கு உகந்த பணிபுரிவர். மாணவர்கள் சாகச விளையாட்டில் ஈடுபட வேண்டாம்.
பரிகாரம்: அர்த்த நாரீஸ்வரரை வழிபடுவதுடன், அரவாணிகளுக்கு உதவலாம்.
