கடந்த நில நாட்களுக்கு முன்னர் நடைபெற்ற 10ஆம் வகுப்பு மற்றும் 12ஆம் வகுப்புகளுக்கான தேர்வு முடிவுகள் வெளியாகும் தேதி தற்போது அறிவிக்கப்பட்டுள்ளது. இதன்படி பிளஸ் 2 தேர்வு முடிவுகள் மே 7-ஆம் தேதியும், பத்தாம் வகுப்பு தேர்வு முடிவுகள் மே21-ஆம் தேதியும் வெளியாகிறது என்று பள்ளிக் கல்வித்துறை செயலாளர் சபிதா அறிவித்துள்ளார்.
தமிழகம் முழுவதும் பத்தாம் வகுப்பு விடைத்தாள்களை திருத்தும் பணியில் ஆசிரியர்கள் ஈடுபட்டுள்ளதாகவும் இந்த பணி விரைவில் முடிந்துவிடும் என்றும் அவர் தெரிவித்தார்.
இந்நிலையில், ”பிளஸ் 2 தேர்வு முடிவுகள் மே 7-ம் தேதி காலை 10 மணிக்கு வெளியாகிறது. பத்தாம் வகுப்பு தேர்வு முடிவுகள் மே 21-ம் தேதி காலை 10 மணிக்கு வெளியாகிறது” என்று பள்ளிக் கல்வித்துறை செயலாளர் சபிதா அறிவித்துள்ளார். தேர்வு முடிவுகளை மாணவர்கள் dge.tn.nic.in, dge1.tn.nic.in, dge2.tn.nic.in, dge3.tin.nic.in ஆகிய இணையதளங்களில் பார்த்து தங்கள் முடிவை தெரிந்து கொள்ளலாம் என்றும் அதில், பதிவு எண், பிறந்த தேதியை ஆகியவற்றை பதிவு செய்து தேர்வு முடிவுகளை தெரிந்து கொள்ளலாம்” என்றும் பள்ளிக்கல்வித்துறை செயலாளர் சபிதா தெரிவித்துள்ளார்.
