பிரபல பாலிவுட் இணையதளம் பாலிவுட் லைப் நடத்தி வந்த ‘தென்னிந்தியாவின் அல்டிமேட் சூப்பர் ஸ்டார்’ என்ற பட்டத்திற்கு கடந்த ஒரு வாரமாக வாக்கெடுப்பு நடந்து வந்தது. இந்த வாக்கெடுப்பில் அஜீத் மற்றும் விஜய் இடையே கடும்போட்டி நடைபெற்ற நிலையில் தற்போது இந்த போட்டியில் அஜீத் வெற்றி பெறும் நிலையில் இருப்பதாக செய்திகள் வெளிவந்துள்ளது.
தற்போதைய நிலவரப்படி அஜீத்துக்கு 43.06% வாக்குகளும், விஜய்க்கு 37.82% வாக்குகளும் கிடைத்துள்ளது. முடிவு அறிவிக்க இன்னும் சில நாட்களே இருக்கும் நிலையில் இந்த வித்தியாசத்தை கடந்து மீண்டும் விஜய், அஜீத்தை விட முன்னுக்கு வருவாரா? என்பது சந்தேகம்தான் என பரவலாக செய்தி வெளியாகி வருகிறது. எனவே இந்த பட்டத்தை அஜீத் பெறுவது கிட்டத்தட்ட உறுதியாகிவிட்டது.
அஜீத், விஜய்க்கு அடுத்தபடியாக பவன்கல்யாண் 9% வாக்குகளும், மகேஷ்பாபு 4.46% வாக்குகளும், ரஜினிகாந்த் 2.11% வாக்குகளும் பெற்று அடுத்தடுத்த நிலையில் உள்ளனர்.
இந்நிலையில் விஜய் தரப்பு இந்த பட்டத்தை பெற குறுக்கு வழியில் முயற்சி செய்து வருவதாக டுவிட்டரில் ஒருசிலர் வதந்தி பரப்பி வருகின்றனர்.
