தமிழகத்தின் நேர்மையான ஐ.ஏ.எஸ் அதிகாரி என்ற பெயர் பெற்ற சகாயம் ஐ.ஏ.எஸ், பலவித சோதனைகளை கடந்து தனது பணியை நேர்மையாக செய்து வருகிறார். இவரைப் போல ஒரு நேர்மையான ஐ.ஏ.எஸ் அதிகாரி நமது பகுதிக்கு வரமாட்டாரா? என எல்லோரையும் ஏங்க வைத்த இவர், தற்போது பலவித சவால்களை சந்தித்து மதுரை கிரானைட் ஊழல் முறைகேட்டு வழக்கை விசாரணை செய்து வருகின்றார்.
இவருடைய துணிச்சலான வாழ்க்கையை திரைப்படமாக எடுக்க விரும்பிய பிரபல இயக்குனர் சமுத்திரக்கனி, சமீபத்தில் சகாயம் ஐ.ஏ.எஸ் அதிகாரியை நேரில் சந்தித்து அனுமதி கேட்டதாகவும், அதற்கு அவரும் அனுமதி கொடுத்து விட்டதாகவும் தகவல்கள் வெளிவந்துள்ளது.
சகாயம் ஐ.ஏ.எஸ் அதிகாரி வேடத்தில் சமுத்திரக்கனியே நடிக்கவுள்ளதாக கூறப்படுகிறது. சமுத்திரக்கனி ஏற்கனவே இயக்கிய ‘சாட்டை’ என்ற தரமான படத்தை தயாரித்த ஷாலோம் ஸ்டுடியோ என்ற நிறுவனம் இந்த படத்தை தயாரிக்க முன்வந்துள்ளது. இந்த படத்தின் அதிகார்பூர்வமான அறிவிப்பு விரைவில் வெளிவரும் என்றும் இந்த படத்தின் படப்பிடிப்பு அடுத்த மாதம் தொடங்கும் என்றும் கூறப்படுகிறது.
