இங்கிலாந்து இளவரசி கேத் மிடில்டன் இரண்டாவது முறையாக கர்ப்பமானதை அடுத்து நேற்று முன் தினம் அவர் லண்டனில் உள்ள மருத்துவமனையில் அனுமதிக்கப்பட்ட நிலையில் லண்டன் நேரப்படி சனிக்கிழமை காலை 8.34 மணிக்கு அவருக்கு அழகான பெண் குழந்தை பிறந்தது. குட்டி இளவரசி செய்தியை அறிந்ததும் இங்கிலாந்து அரச குடும்பமும், இங்கிலாந்து நாட்டு மக்களும் பெரும் மகிழ்ச்சி அடைந்தனர்.
குழந்தை பிறந்த சில மணி நேரத்தில் கணவர் வில்லியம்ஸ் மற்றும் குழந்தையுடன் அரண்மனைக்கு கிளம்பிய கேத்மிடில்டன், மருத்துவமனை முன் கூடியிருந்த பொதுமக்கள் மற்றும் பத்திரிகையாளர்களுக்கு கேத் மிடில்டன் கையசைத்து தனது மகிழ்ச்சியை வெளிப்படுத்தினார்.
இந்நிலையில் குட்டி இளவரசி பிறந்த நேரத்தை கணக்கிட்டு ஜாதகங்கள் கணிக்கும் பணி இங்கிலாந்து அரண்மனையில் நேற்று நடைபெற்றது. பிரபல ஹாங்காய் ஜோதிட கலை நிபுணர் மேக்லிங்–லிங், குட்டி இளவரசியின் ஜாதகத்தை கணித்துள்ளார்.
சனிக்கிழமை பிறந்துள்ள குட்டி இளவரசி அபார திறமையும், நல்ல கற்பனை வளமும் நிறைந்தவராகவும் இருப்பார் என்றும் திறந்த மனம் படைத்தவராகவும் பழகுவதற்கு இனிமையானவராக இருப்பார் என்றும் ஜோதிடர் மேக்லிங்–லிங் கூறியுள்ளார்
மேலும் குட்டி இளவரசி, தனது சகோதரர் ஜார்ஜ் போன்று அமைதியானவராக இருக்க மாட்டார் என்றும் மனதைரியத்துடன் இயற்கையிலேயே சுதந்திர குணம் படைத்தவராகவும் தன்னை யாரும் கட்டுப்படுத்தக் கூடாது என்ற எண்ணங்களுடனும், மிகவும் மகிழ்ச்சிகரமான பெண்ணாக திகழ்வார் என்றும் ஜோதிடர் தெரிவித்தார்.
