கமல்ஹாசன், அம்பிகா, லிசி, சத்யராஜ், அம்ஜத்கான் மற்றும் பலர் நடிப்பில் கடந்த 1986ஆம் ஆண்டு வெளியான திரைப்படம் ‘விக்ரம். கமல்ஹாசனின் ராஜ்கமல் இண்டர்நேஷனல் பிலிம்ஸ் தயாரித்திருந்த இந்த படத்தை ராஜசேகர் இயக்கியிருந்தார். இந்த படத்திற்கு பிரபல எழுத்தாளர் சுஜாதா திரைக்கதை வசனம் எழுதியிருந்தார் என்பது குறிப்பிடத்தக்கது.
இந்நிலையில் இந்த படத்தை நடிகர் சூர்யா ரீமேக் செய்யவிரும்புவதாக செய்திகள் வெளிவந்துள்ளது. 30 வருடங்களுக்கு முன்னரே கம்ப்யூட்டர், ராக்கெட் என விஞ்ஞான அம்சங்கள் நிறைந்த இந்த படத்தின் திரைக்கதையில் சில மாற்றங்கள் செய்து சூர்யா இந்த படத்தை தயாரிக்க விரும்புவதாகவும், இதற்கான பணிகள் விரைவில் தொடங்கும் என்று கூறப்படுகிறது.
சூர்யா தற்போது மாஸ் படத்தை முடித்துவிட்டு 24, ஹைக்கூ ஆகிய படங்களில் நடித்து வருகிறார். இந்த படங்களை அடுத்து அவர் ஹரியின் இயக்கத்தில் ‘சிங்கம் 3′ படத்தில் நடிப்பார் என தெரிகிறது. அதன்பின்னர்தான் விக்ரம்’ ரீமேக் தொடங்கப்படும் என கூறப்படுகிறது.
