வெங்கட்பிரபு இயக்கிய மங்காத்தா படத்தில் ஹீரோயினியாக நடித்த த்ரிஷாவும், அவரது மற்றொரு படமான ‘மாஸ்’ படத்தில் நாயகியாக நடித்த நயன்தாராவும் இணைந்து வெங்கட்பிரபுவின் அடுத்த படத்தில் நடிக்கவுள்ளதாக செய்திகள் வெளிவந்துள்ளது.
வெங்கட்பிரபுவின் அடுத்த படம், இரண்டு பெண்களின் வீரதீர செயல் குறித்த திரைக்கதை என்றும், இந்த கதைக்கு இரண்டு பெரிய ஹீரோயின்கள் நடித்தால் பொருத்தமாக இருக்கும் என கருதிய வெங்கட்பிரபு, த்ரிஷா மற்றும் நயன்தாராவிடம் பேச்சுவார்த்தை நடத்தி வருவதாகவும் கூறப்படுகிறது.
த்ரிஷா மற்றும் நயன்தாரா இருவருமே மிகச்சிறந்த தோழிகள் என்பது திரையுலகினர் அனைவரும் அறிவர். இந்நிலையில் முதன்முதலாக இருவரும் இணைந்து நடித்தால் படம் சூப்பர் ஹிட் ஆகும் என எதிர்பார்க்கப்படுகிறது.
இந்த படத்தை தயாரிக்க இரண்டு பெரிய நிறுவனங்கள் முன்வந்துள்ளதாகவும் இதுகுறித்த அதிகாரபூர்வ அறிவிப்பு இன்னும் சில நாட்களில் வெளிவரும் என்றும் கூறப்படுகிறது.
