‘என்னை அறிந்தால்’ படத்திற்கு பின்னர் அஜீத் தற்போது சிறுத்தை சிவா இயக்கத்தில் இன்னும் பெயரிடப்படாத ஒரு படத்தில் நடித்து வருகிறார். இந்த படத்தில் அஜீத்துக்கு ஜோடியாக ஸ்ருதிஹாசனும், தங்கையாக லட்சுமி மேனனும் நடித்து வருகின்றனர்.
இந்த படத்திற்காக தயாரிப்பாளர் ஏ.எம்.ரத்னம் அஜீத்துக்கு இதுவரை இல்லாத அளவில் மிகப்பெரிய தொகை ஒன்றை சம்பளமாக பேசி கொடுத்துள்ளாராம். ஆனால் தற்போது இந்த படத்தின் பட்ஜெட் தான் எதிர்பார்த்ததைவிட அதிகமாகியுள்ளதால் அவர் அஜீத்திடம் சம்பளத்தை குறைத்து கொள்ள கேட்டுக்கொண்டதாகவும், அதற்கு அஜீத், கவலைப்பட வேண்டாம் அடுத்த படத்திற்கும் கால்ஷீட் தருகிறேன்’ என சமாதானம் செய்ததாகவும் கூறப்படுகிறது. இதனால் திருப்தி அடைந்த ஏ.எம்.ரத்னம் முழுவீச்சில் படத்தயாரிப்பு பணியில் ஈடுபட்டு வருகிறார்.
இந்நிலையில் அஜீத் தனது அடுத்த படத்திற்கான கதையை தயார் செய்யும்படி, விஷ்ணுவர்தனிடம் கேட்டுக்கொண்டதாக வெளிவந்துள்ளது. இந்த செய்தி ஏ.எம்.ரத்னத்திற்கு அதிர்ச்சியை கொடுத்துள்ளது. “ஆரம்பம்” படத்தின்போதே ஏ.ஏம்.ரத்னத்திற்கும் விஷ்ணுவர்தனுக்கும் கருத்து வேறுபாடு ஏற்பட்டதால் அஜீத்தின் அடுத்த படத்தை விஷ்ணுவர்தன் இயக்குவதாக இருந்தால், அந்த படத்தின் அவர் தனக்காக தயாரிக்க மாட்டார் என ஏ.எம்.ரத்னம் கவலை அடைந்துள்ளாராம்.
ஆனால் என்னை அறிந்தால் படத்தில் பிரிந்திருந்த ஹாரீஸ் ஜெயராஜ் – கவுதம் மேனனை சேர்த்து வைத்ததுபோல், விஷ்ணுவர்தனையும் ஏ.எம்.ரத்னத்தையும் அஜீத் சேர்த்து வைத்துவிடுவார் என அஜீத் வட்டாரங்கள் கூறுகின்றன.
