விஜய் நடித்த தலைவா படத்தில் விஜய்க்கு தந்தையாக நடித்த சத்யராஜ் தற்போது மகேஷ்பாபுவுக்கு தந்தையாக நடிக்க ஒப்பந்தமாகியுள்ளார்.
தெலுங்கில் நம்பர் நடிகராகவும், சூப்பர்ஸ்டாராகவும் விளங்கி வரும் மகேஷ்பாபு, முதன்முறையாக நேரடி தமிழ்ப்படத்தில் நடிக்கின்றார். பிரமோற்சவம் என்று பெயரிடப்பட்டுள்ள இந்த படத்தில் மகேஷ்பாபுவுக்கு ஜோடியாக ராகுல் ப்ரித்தி சிங் மற்றும் ப்ரணிதா ஜோடியாக நடிக்கின்றனர். பிவிபி சினிமாஸ் நிறுவனம் பெரும் பொருட்செலவில் தயாரிக்கவுள்ள இந்த படத்தை ஸ்ரீகாந்த் அடலா இயக்கவுள்ளார்.
இந்நிலையில் இந்த படத்தில் மகேஷ்பாபுவின் தந்தையாக சத்யராஜ் நடிக்கவுள்ளதாக கூறப்படுகிறது. ஏற்கனவே சத்யராஜ் இரண்டு தெலுங்கு படங்களில் நடித்து தெலுங்கு ரசிகர்களுக்கு அறிமுகமாகியுள்ளார். மேலும் சத்யராஜ் தந்தையாக நடித்த சென்னை எக்ஸ்பிரஸ், ராஜா ராணி, தலைவா போன்ற படங்கள் சூப்பர் ஹிட் ஆகியுள்ளதால் செண்டிமெண்டாக அவரை இந்த படத்தின் தந்தை கேரக்டருக்கு ஒப்பந்தம் செய்துள்ளனர்.
தமிழ் மற்றும் தெலுங்கு என இருமொழிகளில் தயாராகி வரும் இந்த படம் வரும் 2016 பொங்கல் திருநாளில் வெளியாகும் என எதிர்பார்க்கப்படுகிறது. மேலும் இந்த படத்தின் மற்ற தொழில்நுட்ப கலைஞர்கள் மற்றும் நடிகர் நடிகைகளின் தேர்வு நடைபெற்று வருவதாகவும், வரும் ஆகஸ்ட் மாதம் படப்பிடிப்பு துவங்கும் என்றும் படக்குழுவினர் தெரிவித்துள்ளனர்.
