இளையதளபதி விஜய் தான் நடித்து வரும் பெரும்பாலான திரைப்படங்களில் ஒரே ஒரு பாடலையாவது பாடும் வழக்கத்தை கொண்டவர் என்பது அவரது ரசிகர்கள் உள்பட அனைவரும் அறிந்ததே. சமீபத்தில் கூட அவர் துப்பாக்கி, தலைவா, ஜில்லா, கத்தி ஆகிய படங்களில் பாடிய பாடல்கள் சூப்பர் ஹிட் ஆனது என்பது குறிப்பிடத்தக்கது. இந்நிலையில் அவர் தற்போது நடித்து முடித்துள்ள ‘புலி’ படத்தில் இரண்டு பாடல்களை விஜய் பாடுவார் என செய்திகள் வெளிவந்தன. இந்நிலையில் இன்று ஒரு பாடலை விஜய் பாடி முடித்துள்ளார் என்பது குறிப்பிடத்தக்கது
தேவிஸ்ரீ பிரசாத் கம்போஸ் செய்த மெட்டுக்கு வைரமுத்து எழுதிய பாடலைத்தான் விஜய் இன்று பாடியுள்ளார். இந்த பாடலின் ஒலிப்பதிவின்போது இயக்குனர் சிம்புதேவன், தயாரிப்பாளர் பி.டி.செல்வகுமார் ஆகியோர்களும் உடனிருந்தனர் என்பது குறிப்பிடத்தக்கது.
விஜய் பாடிய இந்த பாடல் சூப்பராக வந்துள்ளதாகவும், கண்டிப்பாக இந்த பாடல் சூப்பர் ஹிட் ஆகும் என்றும் இசையமைபாளர் தேவிஸ்ரீ பிரசாத் நம்பிக்கை தெரிவித்துள்ளார். இந்த படத்தின் பர்ஸ்ட் லுக் வரும் ஜூன் 22ஆம் தேதி விஜய்யின் பிறந்த நாள் அன்று வெளிவரும் என்று கூறப்படுகிறது. ஏற்கனவே இந்த படம் செப்டம்பர் 17ஆம் தேதி ரிலீசாகும் என அறிவிக்கப்பட்டுள்ளது என்பது குறிப்பிடத்தக்கது.
