சீனாவை சேர்ந்த 55 வயது நபர் ஒருவரின் சிறுநீரகத்தில் இருந்து 420 கற்கள் எடுக்கப்பட்டுள்ளதாக செய்திகள் வெளிவந்துள்ளது. உலகில் இதுவரை ஒரே நேரத்தில் ஒரே நபரிடம் இருந்து இவ்வளவு அதிகமான அளவில் சிறுநீரகக்கற்களை வெளியேற்றியதாக வரலாறு இல்லை என்பது குறிப்பிடத்தக்கது.
சீனாவி சேர்ந்த 55 வயது ‘ஹீ’ அவர்கள் அளவுக்கு அதிகமான வயிற்று வலி காரணமாக மருத்துவமனையில் அனுமதிக்கப்பட்டார். அவரை சிடி ஸ்கேன் செய்து பார்த்த மருத்துவர் அவருடைய சிறுநீரப்பை முழுவதிலும் கற்கள் இருந்ததை பார்த்து அதிர்ச்சி அடைந்தார். உடனடியாக அவருக்கு அறுவை சிகிச்சை செய்து மொத்தம் 420 கற்களை வெளியே எடுத்துள்ளார்.
தன்னுடைய இத்தனை வருட மருத்துவ அனுபவத்தில் இவ்வளவு அதிகமான அளவில் சிறுநீரக கற்களை வெளியே எடுத்ததில்லை என்று அந்த மருத்துவர் கூறியுள்ளார்.
ஹீ அவர்கள் தினசரி அளவுக்கு அதிகமான உணவை சாப்பிட்டுவிட்டு குறைந்த அளவே தண்ணீர் குடித்து வந்ததால்தான் அவருக்கு இந்த நிலை ஏற்பட்டதாக அவருடைய குடும்பத்தினர் தெரிவித்துள்ளனர்.
