21ஆம் நூற்றாண்டின் சிறந்த டெஸ்ட் கிரிக்கெட் யார்? என்ற கருத்துக்கணிப்பு ஒன்றை பிரபல 21ஆம் நூற்றாண்டின் மிகச்சிறந்த டெஸ்ட் கிரிக்கெட் வீரர் என்ற பெருமையை இந்தியாவை சேர்ந்த நட்சத்திர கிரிக்கெட் வீரர் சச்சின் தெண்டுல்கரை ஆஸ்திரேலிய இணையதளம் ஒன்று தேர்வு செய்து அவரை பெருமைப்படுத்தியுள்ளது. இதனால் உலகெங்கிலும் உள்ள சச்சின் ரசிகர்கள் பெரும் மகிழ்ச்சியில் உள்ளனர்.
ஆஸ்திரேலியாவை சேர்ந்த cricket.com.au என்ற பிரபல கிரிக்கெட் இணையதளம் கடந்த சில நாட்களாக 21ஆம் நூற்றாண்டின் மிகச்சிறந்த டெஸ்ட் கிரிக்கெட் வீரரை தேர்வு செய்யும் வாக்கெடுப்பை ஒன்றை நடத்தியது. இதற்காக மொத்தம் 100 டெஸ்ட் வீரர்களை அந்த இணையதளம் பட்டியலிட்டு வாக்கெடுப்பு நடத்தியது. இந்த வாக்கெடுப்பின் முடிவுகள் தற்போது அதிகாரபூர்வமாக அறிவிக்கப்பட்டுள்ளது.
இந்த வாக்கெடுப்பில் 23% வாக்குகள் பெற்று சச்சின் முதலிடத்தில் உள்ளார். இரண்டாவது இடத்தில் இலங்கை அணியின் நட்சத்திர வீரர் சங்கரகரா உள்ளார். இவர் பெற்ற வாக்குகளின் சதவீதம் 14% என்பது குறிப்பிடத்தக்கது. மூன்றாம் இடத்தில் ஆஸ்திரேலியாவின் ஆடம் கில்கிறிஸ்ட் உள்ளார்.
மேலும் தலைசிறந்த 10 கிரிக்கெட் வீரர்கள் பட்டியலில் சச்சின் பெயர் மட்டுமே உள்ளது என்பது குறிப்பிடத்தக்கது.
டாப் 10 வீரர்களின் பட்டியல் வருமாறு:
1. சச்சின் டெண்டுல்கர்
2. குமார் சங்கக்காரா
3. ஆடம் கில்கிறிஸ்ட்
4. ரிக்கி பாண்டிங்
5. ஜாக் காலிஸ்
6. ஏ.பி.டிவில்லியர்ஸ்
7. ஷேன் வார்ன்
8. கிளென் மெக்ரா
9. முத்தையா முரளிதரன்
10. டேல் ஸ்டெய்ன்
