பல காரணங்களால் கணையத்திலிருந்து சுரக்கும் இன்சுலின் அளவு குறையும் போது அல்லது வேலை செய்ய முடியாத போது உணவில் உள்ள சர்க்கரை சக்தியாக மாற்றப்படாமல் அப்படியே இரத்தத்தில் நேரடியாக கலந்துவிடுகிறது. இதனால் இரத்தத்தில் சர்க்கரையின் அளவு அதிகரிக்கிறது. இது 180 mg/dL தாண்டும் போது சிறுநீரில் சர்க்கரை வெளியாகிறது, இது தான் நீரிழிவு அல்லது சர்க்கரை நோய். நீரிழிவு நோயால் பாதிக்கப்பட்டவர்கள், உணவு முறைகளை சரியான முறையில் பின்பற்ற வேண்டும்.
காலை:
மருதம் பட்டை மூலிகைக் கஷாயம் – ஒரு கப் (100 மி.லி) அல்லது டீ, காபி சர்க்கரை இல்லாமல் அருந்த வேண்டும்.
காலை டிபன்:
இட்லி – 3 அல்லது
தோசை – 2,
சப்பாத்தி- 1,
இடியாப்பம்- 1,
சம்பா ரவை உப்புமா,
மிளகு பொங்கல்,
வெந்தயம் கலந்த கஞ்சியுடன் புதினா, (தேங்காய் சட்னி கண்டிப்பாக சாப்பிடக்கூடாது). இதனை தவிர ஏதேனும் கீரை சூப் குடிக்கலாம்.
காலை 11 மணி:
சர்க்கரை நோயைக் கட்டுப்படுத்தும் சாறு வகைகளில் ஏதாவது ஒன்று கட்டாயம் சாப்பிடவும். பாகற்காயை சாறாக குடிக்கலாம்.
மதிய உணவு:
ஒரு கப் சாதம், சர்க்கரை நோயைக் கட்டுப்படுத்தும் பாகற்காய், பீன்ஸ், ப்ராக்கோலி போன்ற காய்கறிகள் சேர்த்த சாம்பார் சாப்பிடலாம். மேலும், பழவகைகளில் பேரிக்காய், கொய்யாப்பழம் சாப்பிடலாம்.
இரவு உணவு:
கோதுமை சார்ந்த உணவுகள், 2 அல்லது 3 காய்கறி பச்சடி மற்றும் சட்னி வகைகள்.
