[carousel ids=”67519,67520,67521,67522,67523″]
பாலிவுட்டின் சூப்பர் ஹிட் படமான ‘ஷோலே’ படத்தின் நாயகியும், பிரபல நடிகர் தர்மேந்திராவின் மனைவியுமான நடிகை ஹேமாமாலினி நேற்றிரவு கார் விபத்து ஒன்றில் சிக்கி படுகாயம் அடைந்துள்ளதாகவும், அவருக்கு மருத்துவர்கள் தீவிர சிகிச்சை அளித்து வருவதாகவும் செய்திகள் வெளிவந்துள்ளது.
நேற்றிரவு ஒன்பது மணியளவில் நடிகை ஹேமாமாலினி தன்னுடைய காரில் ஆக்ரா-ஜெய்ப்பூர் தேசிய நெடுஞ்சாலையில் பயணம் செய்து கொண்டிருந்தபோது, எதிரே வந்த ஆல்ட்டா கார் மீது மோதியதால் பயங்கர விபத்து ஏற்பட்டது. இந்த விபத்தில் ஹேமாமாலினி உள்பட ஐந்து பேர் படுகாயம் அடைந்ததாகவும், ஆல்ட்டா காரில் பயணம் செய்த ஐந்து வயது குழந்தை பலியானதாகவும் ஜெய்ப்பூர் போலீஸார் தெரிவித்துள்ளனர்.
மூக்கு, கண்புருவம், முதுகு ஆகிய பகுதிகளில் படுகாயம் அடைந்த ஹேமாமாலினி, இன்னொரு கார் மூலம் ஜெய்ப்பூரில் உள்ள தனியார் மருத்துவமனையில் அட்மிட் ஆகியிருப்பதாகவும், அவருக்கு மருத்துவர்கள் தீவிர சிகிச்சை அளித்து வருவதாகவும் கூறப்படுகிறது. இந்த விபத்து குறித்து விசாரணை செய்து வரும் ஜெய்ப்பூர் போலீஸார் ஹேமாமாலினியின் கார் டிரைவர் மீது வழக்கு பதிவு செய்துள்ளனர்.
