1. அவ்வப்போது ரத்த அழுத்தத்தைக் கண்காணித்து கட்டுக்குள் வைத்திருக்க வேண்டும். ரத்த அழுத்தத்தைக் கட்டுப்படுத்தும் (மருத்துவர்கள் பரிந்துரைத்த) மாத்திரைகளை முறையாக எடுத்துக்கொள்ள வேண்டும்.
2. புகைபிடிக்கும் பழக்கம் பக்கவாதத்துக்கான வாய்ப்பை இரட்டிப்பாக்குகிறது. புகையானது ரத்தக் குழாய் சுவற்றைத் தாக்குகிறது. ரத்தம் உறைதலை விரைவாக்குகிறது. ரத்த அழுத்தத்தை அதிகரிக்கிறது. மேலும் இதயம் அதிகமாகச் செயல்படும்படி தூண்டுகிறது. மது அருந்துவதும் பக்கவாதம் வருவதற்கான வாய்ப்பை அதிகரிக்கும்.
3. சர்க்கரை நோயானது உடலின் எல்லா பகுதியிலும் உள்ள சின்ன ரத்தக் குழாய் முதல் பெரிய ரத்தக் குழாய் வரையிலும் பாதிக்கும். இது அடைப்பு மற்றும் ரத்தக் கசிவை ஏற்படுத்திவிடலாம். எனவே சர்க்கரை நோயை கட்டுக்குள் வைத்திருங்கள்.
4. உணவுப் பழக்கத்தை ஒழுங்குபடுத்துங்கள். சமச்சீரான உணவுக்குப் பழங்கள், சிறுதானிய உணவு வகைகளுக்கு முக்கியத்துவம் அளியுங்கள். உடற்பயிற்சி செய்யுங்கள். உங்கள் உயரத்துக்கு ஏற்ற எடையைப் பராமரியுங்கள்.
5. பக்கவாதம் வருவதற்கான அபாயத்துக்கு உட்பட்டவர்கள் ஆறு மாதங்களுக்கு ஒரு முறையாவது சர்க்கரை, கொழுப்பு, ரத்த அழுத்தப் பரிசோதனைகளைச் செய்துகொள்ளுங்கள்.
