சினிமாவில் கிடைத்த புகழை அரசியல் பக்கம் திருப்பி முதல்வர் கனவில் பலர் இருக்கும் நிலையில் இந்த பட்டியலில் புதிதாக இணைந்திருப்பவர் விஷால் என்று கூறப்படுகிறது. எம்.ஜி.ஆர், ஜெயலலிதா, விஜயகாந்த், சரத்குமாரை அடுத்து தற்போது அரசியல் கனவில் இருக்கும் ஒரே நடிகர் விஜய் என்று கூறப்படுகிறது. ஆனால் அவரும் ‘தலைவா’ படத்தில் ஏற்பட்ட பிரச்சனை காரணமாக அரசியலை ஓரம்கட்டி வைத்துவிட்டு, ஒழுங்காக நடிக்கும் வேலையை மட்டும் பார்த்து வருகிறார்.
ஆனால் தற்போது புதிதாக விஷால், தனது பார்வையை அரசியல் பக்கம் திருப்பியிருப்பதாகவும், அதன் முன்னோடிதான் பள்ளிக்குழந்தைகளுக்கு இலவச பொருட்கள் கொடுப்பது என்று கூறப்படுகிறது.
மேலும் சரத்குமார் அரசியல் பின்னணியில் இருப்பதால்தான் நடிகர் சங்கத்தை தனது கட்டுப்பாட்டில் வைத்திருப்பதாக கருதப்படும் நிலையில், தானும் ஏதாவது ஒரு கட்சியில் இணைந்தோ அல்லது புதிய கட்சி ஆரம்பித்தோ அரசியலில் ஈடுபடும் எண்ணம் விஷாலுக்கு இருப்பதாக கூறப்படுகிறது. தற்போதைக்கு ஒரு பிரபல கட்சியில் இணைய விஷால் காய் நகர்த்தி வருவதாகவும், அது அனேகமாக மத்தியில் ஆளும் கட்சியாக இருக்கலாம் என்றும் கூறப்படுகிறது.
