ஒரே ஒரு ரூபாய் கட்டணத்தில் விமானத்தில் பறக்க வேண்டுமா? இதோ ஒரு அதிரடி சலுகை
இந்திய விமான சேவை நிறுவனங்களின் மத்தியில் தற்போது கடுமையான போட்டி நடைபெற்று வருகின்றது. ஒவ்வொரு நிறுவனமும் கட்டணத்தை குறைத்தும், சலுகைகளை அறிவித்தும் பயணிகளை கவர்ந்து வரும் நிலையில் ஸ்பைஸ்ஜெட் விமான நிறுவனம் ஒரே ஒரு ரூபாயில் விமானப் பயணம் செய்யும் சலுகை ஒன்றை அறிவித்துள்ளது. இந்த சலுகையை ஸ்பைஸ்ஜெட் மொபைல் ஆப்ஸ் மூலம் புக் செய்பவர்கள் மட்டும் பயன்படுத்த முடியும். இந்த சலுகை ரிட்டன் டிக்கெட்டையும் சேர்த்து புக்கிங் செய்பவர்களுக்கு மட்டுமே கிடைக்கும் என்பது குறிப்பிடத்தக்கது.
இந்த ரூ. 1 கட்டணம் என்பது வரிகள் மற்றும் இதர கட்டணங்கள் உள்ளடக்கியது இல்லை. இந்த சலுகையை பெற கூகுள் பிளே ஸ்டோர், ஆப்பிள் ஆப்ஸ் ஸ்டோர் மூலம் ஸ்பைஸ்ஜெட் மொபைல் ஆப்ஸை பதிவிறக்கம் செய்து அதன்பின்னர் ரூ.1 டிக்கெட்டை புக் செய்யலாம் என ஸ்பைஸ்ஜெட் கூறியுள்ளது.
இந்த சலுகை ஜூலை 15 முதல் ஜூலை 17 வரை மட்டுமே இருக்கும் என்றும் இதில் டிக்கெட் புக்கிங் செய்பவர்கள், 2015 ஜூலை 15 முதல் 2016 மார்ச் 31வரை பயண காலமாக தேர்ந்தெடுக்கலாம் என்றும் இந்த சலுகை உள்நாட்டு விமான சேவைக்கு மட்டும் பொருந்தும் என்றும் கூறப்பட்டுள்ளது.
ஸ்பைஸ்ஜெட் மொபைல் ஆப்ஸ் மூலம் 1 லட்சம் டிக்கெட்டுகளை விற்க இலக்கு வைத்துள்ளது என்பது குறிப்பிடத்தக்கது.
