விக்ரம் பிரபுவின் அடுத்த படம் ‘வீர சிவாஜி’?
தொடர்ச்சியாக ஐந்து ஹிட் படங்கள் கொடுத்த விக்ரம் பிரபு நடித்துள்ள ஆறாவது படமான ‘இது என்ன மாயம்’ திரைப்படம் வரும் 31ஆம் தேதி ரிலீஸாகவுள்ளது. விக்ரம் பிரபு, கீர்த்தி சுரேஷ் நடித்துள்ள இந்த படத்தை ஏ.எல்.விஜய் இயக்கியுள்ளார்.
இதையடுத்து விக்ரம் பிரபு ஜி.என்.ஆர்.குமாரவேலன் இயக்கத்தில் ‘வாஹா’ என்ற படத்தில் நடித்து வருகிறார். இந்திய, பாகிஸ்தான் எல்லையில் படமாக்கப்பட்டு வரும் இந்த திரைப்படம் பெரும் எதிர்பார்ப்பை ஏற்படுத்தியுள்ளது. இந்நிலையில் ரோமியோ ஜூலியட்’ படத்தின் தயாரிப்பாளர் எஸ்.நந்தகோபால் தயாரிக்கவுள்ள அடுத்த படத்தில் விக்ரம் பிரபு நடிக்கவுள்ளார் என்பதை ஏற்கனவே பார்த்தோம். தற்போது இந்த படத்திற்கு வீரசிவாஜி’ என்ற டைட்டில் வைக்கப்பட்டுள்ளதாக செய்திகள் வெளிவந்துள்ளது.
‘வீர சிவாஜி’ படத்தை ‘தகராறு’ படத்தை இயக்கிய கணேஷ் விநாயக் இயக்கவுள்ளார். இந்த படத்தின் படப்பிடிப்பு வரும் ஆகஸ்ட் 21 முதல் பாண்டிச்சேரியில் தொடங்கவுள்ளது. இந்த படத்திற்கு சுகுமார் ஒளிப்பதிவும், ரூபன் படத்தொகுப்பும் செய்யவுள்ளனர்.
