விஜய், காஜல் அகர்வால், மோகன்லால், சூரி உள்பட பலர் நடித்த ஜில்லா’ திரைப்படம் தமிழகத்தில் மாபெரும் வெற்றி பெற்றதை அடுத்து சமீபத்தில் தெலுங்கில் டப் செய்யப்பட்டு ரிலீஸானது. ஆந்திரா மற்றும் தெலுங்கானா ஆகிய இரு மாநிலங்களிலும் நல்ல ஓபனிங்குடன் பெரும் வசூலை ஜில்லா தெலுங்கு படம் கொடுத்து கொண்டிருப்பதாக தகவல்கள் வெளிவந்துள்ளது.
விஜய்யின் முதல் தெலுங்கு டப் படமே சூப்பர் ஹிட் ஆகியுள்ள நிலையில் அவர் தற்போது நடித்து வரும் ‘புலி’ படத்தையும் தெலுங்கில் டப் செய்து வெளியிட தற்போது முடிவு செய்யப்பட்டுள்ளதாக தகவல்கள் வெளிவருகின்றது. மகேஷ்பாபு தனது ஸ்ரீமந்துடு படத்தை தமிழ் ரசிகர்களை கவர டப் செய்து வெளியிடுகிறார். அதற்கு போட்டியாக விஜய் தன்னுடைய ‘புலி’ படத்தை தெலுங்கில் டப் செய்து வெளியிட உள்ளதாக கூறப்படுகிறது.
புலி’ படத்தில் தெலுங்கு ரசிகர்களுக்கு நன்கு அறிமுகமான ஸ்ருதிஹாசன், ஹன்சிகா, ஸ்ரீதேவி, சுதீப், மற்றும் இசையமைப்பாளர் தேவிஸ்ரீ பிரசாத் ஆகியோர் பணிபுரிந்துள்ளதால், தெலுங்கில் இந்த படம் சூப்பர் ஹிட் ஆகும் என எதிர்பார்க்கப்படுகிறது.
