பொள்ளாச்சி விஸ்வகர்மா காமாட்சி அம்மன் கோவிலில், 108 திருவிளக்கு பூஜை நடந்தது. பொள்ளாச்சி மகாலிங்கபுரம் எல்.ஐ.ஜி., காலனியில், விஸ்வகர்மா காமாட்சி அம்மன் கோவிலில், ஆடி மாத வெள்ளிக்கிழமையையொட்டி சிறப்பு பூஜைகள் நடைபெற்று வருகின்றன. இதனைத்தொடர்ந்து நேற்றுமுன்தினம் விஸ்வாஸ்- விஸ்வகர்ம மகளிர் அமைப்பு சார்பில், ஆடி பவுர்ணமி மற்றும் ஆடி வெள்ளிக்கிழமையன்று, 108 திருவிளக்கு பூஜை நடந்தது. இதில், திரளான பெண்கள் பங்கேற்று திருவிளக்கு பூஜை செய்து அம்மனை வழிபட்டனர். கிணத்துக்கடவு :கிணத்துக்கடவு சிவலோகநாதர் கோவிலில், ஆடி வெள்ளியை முன்னிட்டு திருவிளக்கு வழிபாடு நடந்தது. இதில், இரண்டு குத்துவிளக்குகளை, சிவலோகநாதர், சிவலோகநாயகி உற்சவர் மூர்த்தி போல் அலங்காரம் செய்தனர். தொடர்ந்து நடந்த திருவிளக்கு வழிபாட்டில் ஏராளமான பெண்கள் பங்கேற்றனர். பின் பக்தர்களுக்கு பிரசாதம் வழங்கப்பட்டது.
