நயன்தாராவுக்கு இணையாக சம்பளம் கேட்டாரா ஜோதிகா?
முனி, காஞ்சனா, காஞ்சனா 2 வரிசையில் ராகவா லாரன்ஸ் நடித்து இயக்கவிருக்கும் அடுத்த படம் ‘நாகா’. இந்த படமும் பேய் சம்பந்தப்பட்ட படமாக இருந்தாலும், இதில் ராஜநாகம் என்ற முக்கிய கேரக்டர் உள்ளதாக கூறப்படுகிறது. இந்த வேடத்திற்கு ஒரு பெரிய அனுபவம் வாய்ந்த நடிகைதான் வேண்டும் என முதலிலேயே முடிவு செய்துவிட்ட லாரன்ஸ், இந்த கேரக்டரில் நடிக்க ஜோதிகாவிடம் பேச்சுவார்த்தை நடத்தி வருவதாக கூறப்படுகிறது.
சமீபத்தில் ’36 வயதினிலே’ படத்தில் ரீ எண்ட்ரி ஆன ஜோதிகா, இந்த படத்திலும் நடிப்பார் என எதிர்பார்க்கப்படுகிறது. ‘சந்திரமுகி’ படத்தில் அவருடைய ஆவேசமான நடிப்பை பார்த்துதான் ராகவா லாரன்ஸ் அவரை அணுகியதாகவும், அவருடைய பெரிய கண்கள் இந்த கேரக்டருக்கு பொருத்தமாக இருக்கும் என அவர் கருதியதாகவும் கூறப்படுகிறது.
ஜோதிகா இந்த படத்தில் நடிக்க கிட்டத்தட்ட ஒப்புக்கொண்டாலும், நயன்தாரா, த்ரிஷா, ஹன்சிகா போன்ற முன்னணி நடிகைகளுக்கு சமமான சம்பளத்தை அவர் கேட்டுக்கொண்டுள்ளதாக கூறப்படுகிறது. இதுகுறித்த அதிகாரபூர்வ அறிவிப்பு இன்னும் சில நாட்களில் வெளிவரும் என தெரிகிறது.
