கோவா மற்றும் சீனாவில் ‘விஜய் 59’ படத்தின் அடுத்த கட்ட படப்பிடிப்பு
விஜய் நடித்து வரும் ‘புலி’ திரைப்படத்தை அடுத்து தற்போது விஜய் 59″ படத்தின் படப்பிடிப்பு சென்னை மற்றும் அதன் சுற்றுப்பகுதியில் கடந்த சில நாட்களாக நடந்து வந்தது. தற்போது இந்த முதல்கட்ட படப்பிடிப்பு முடிவடைந்துள்ளதாக படக்குழுவினர் கூறியுள்ளனர்.
முதல்கட்ட படப்பிடிப்பின் இறுதிநாளில் சென்னையில் உள்ள மருத்துவமனை ஒன்றுக்கு விஜய் செல்லும் காட்சிகள் படமாக்கபட்டதாக இந்த படத்தின் உதவி இயக்குனர்களில் ஒருவர் தனது டுவிட்டரில் தெரிவித்துள்ளார். விஜய் எதற்காக மருத்துவமனைக்கு சென்றார் என்பதுதான் படத்தின் மிகப்பெரிய டுவிஸ்ட் என கூறப்படுகிறது.
மேலும் முதல்கட்ட படப்பிடிப்பை அடுத்து கோவா மற்றும் சீனாவில் இரண்டாவது கட்ட படப்பிடிப்பு நடைபெறவுள்ளதாக படக்குழுவினர் தெரிவித்துள்ளனர். விரைவில் விஜய் 59′ படக்குழுவினர் கோவா செல்லவுள்ளதாகவும், செப்டம்பர் இறுதியில் படக்குழு சீனா செல்லவுள்ளதாகவும் செய்திகள் வெளிவந்துள்ளது.
