இந்தியாவின் சிறந்த முதல்வர்கள். 2-ஆம் இடத்தில் ஜெயலலிதா
அகில இந்திய அளவில் சிறப்பான வகையில் செயல்பட்ட முதல்வர்களின் பட்டியல் ஒன்றை ஆன்லைன் மூலம் பிரபல வட இந்திய ஊடகமான ஆஜ்தக் என்ற நிறுவனம் சமீபத்தில் எடுத்தது. இந்த பட்டியலில் மிகச்சிறந்த முதல்வர் என முதல் இடத்தில் டெல்லி முதல்வர் அரவிந்த் கெஜ்ரிவால் தேர்வு செய்யப்பட்டுள்ளார். இந்த பட்டியலில் இரண்டாவது இடத்தில் தமிழக முதல்வர் ஜெயலலிதா உள்ளார்.
ஜெயலலிதாவின் ஆட்சி செயல்படாத ஆட்சி என நேற்று மு.க.ஸ்டாலின் ஒரு திருமண விழாவில் பேசியிருக்கும் நிலையில் இந்த கருத்துக்கணிப்பு வெளியாகியுள்ளது என்பது குறிப்பிடத்தக்கது. இந்த கருத்துக்கணிப்பு முடிவுகள் அதிமுக ஆட்சியை குறை கூறி கொண்டிருந்த விஜய்காந்த், ராமதாஸ், கருணாநிதி, இளங்கோவன், தமிழிசை செளந்தரராஜன் உள்பட எதிர்க்கட்சி தலைவர்களின் முகத்தில் கரியை பூசியுள்ளதாக ஃபேஸ்புக், டுவிட்டர் ஆகியவற்றில் பலர் கருத்து தெரிவித்து வருகின்றனர்.
இந்த பட்டியலில் மேற்குவங்க முதல்வர் மம்தா பானர்ஜி மூன்றாம் இடத்தை பெற்றுள்ளார் என்பது குறிப்பிடத்தக்கது.
