புலி படத்தின் அதிகாரபூர்வ ரிலீஸ் தேதி அறிவிப்பு
இளையதளபதி விஜய் நடித்த ‘புலி’ திரைப்படம் வரும் செப்டம்பர் 17ஆம் தேதி விநாயகர் சதூர்த்தி தினத்தில் வெளிவரும் என அனைவரும் எதிர்பார்த்து கொண்டிருந்த நிலையில் விஜய் ரசிகர்களுக்கு அதிர்ச்சி தரும் செய்தி ஒன்று தற்போது வெளிவந்துள்ளது. ஆம் விஜய்யின் ‘புலி’ படத்தின் ரிலீஸ் தேதி இன்னும் இரண்டு வாரத்திற்கு தள்ளி வைக்கப்பட்டுள்ளதாக அதிகாரபூர்வமாக தகவல்கள் வெளிவந்துள்ளது.
விஜய்யின் ‘புலி’ வரும் அக்டோபர் 1ஆம் தேதி ரிலீசாகவுள்ளதாக அதன் தயாரிப்பு நிறுவனமான எஸ்.கே.டி. ஸ்டுடியோஸ் நிறுவனம் இன்று தனது டுவிட்டர் தளத்தில் அதிகாரபூர்வமாக அறிவித்துள்ளது. கிராபிக்ஸ் பணிகள் இன்னும் முடியாததால் இந்த தேதி தள்ளி வைப்பு என கூறப்படுகிறது.
அக்டோபர் 2ஆம் தேதியில் இருந்து தொடர் விடுமுறை இருப்பதால் குழந்தைகள் முதல் பெரியவர்கள் வரை புலி படத்தை பார்க்க திரையரங்குகளில் குவிய வாய்ப்பு இருப்பதாகவும், இந்த படத்திற்கு எதிர்பார்த்ததை விட பிரமாண்டமான ஓப்பனிங் இருக்கும் என்றும் எதிர்பார்க்கப்படுகிறது.
விஜய், ஸ்ருதிஹாசன், ஹன்சிகா, ஸ்ரீதேவி, பிரபு, சுதீப், நந்திதா, ரோபோ சங்கர், வித்யூலேகா ராமன், தம்பி ராமையா, என ஏகப்பட்ட நட்சத்திர பட்டாளங்கள் நடித்துள்ள இந்த படத்திற்கு தேவிஸ்ரீ பிரசாத் இசையமைத்துள்ளார். சிம்புதேவன் இயக்கியுள்ள இந்த படத்திற்கு நட்ராஜ் ஒளிப்பதிவு செய்துள்ளார்.
