கின்னஸ் சாதனை புத்தகத்தின் வயது 60 ஆண்டுகள்
உலகிலேயே அதிக வயதான ஆண், அதிக வயதான பெண் உள்பட பல்வேறு சாதனைகளை பதிவு செய்து அதற்கான சான்றிதழையும் கொடுத்து வரும் கின்னஸ் சாதனை உலக புத்தக்கங்கள் தோன்றி 60 ஆண்டுகள் நிறைவு பெற்றூள்ளது. உலக அளவில் விறுவிறுப்பான செய்திகளையும், சாதனையாளர்கள் குறித்த விவரங்களையும் பட்டியலிட்டு கின்னஸ் நிறுவனம் புத்தகமாக வெளியிட்டு வருகிறது.
கடந்த 1955ஆம் ஆண்டு ஆரம்பமான இந்த கின்னஸ் நிறுவனம் இந்த வருடத்துடன் தனது 60 ஆண்டுகளை பூர்த்தி செய்கிறது. இதுவரை மொத்தம் 13 கோடியே 40 லட்சம் புத்தகங்கள் விற்பனை ஆகி சாதனை படைத்துள்ளது. இந்த புத்தகம் மொத்தம் 21 மொழிகளில் மொழி பெயர்க்கப்பட்டு 100 நாடுகளுக்கும் அதிகமான நாடுகளில் விற்பனை ஆகிவருகிறது.
