இங்கிலாந்துக்கு எதிரான 2வது போட்டியிலும் ஆஸ்திரேலியா அபார வெற்றி
ஆஸ்திரேலியா மற்றும் இங்கிலாந்து கிரிக்கெட் அணிகளுக்கு எதிரான ஆஷன் தொடர் சமீபத்தில் முடிவடைந்ததை அடுத்து தற்போது இரு அணிகளுக்கும் இடையே ஐந்து ஒருநாள் கிரிக்கெட் போட்டியின் தொடர் நடைபெற்று வருகிறது. கடந்த 3ஆம் தேதி நடந்த முதல் போட்டியில் ஆஸ்திரேலிய அணி 59 ரன்களில் அபார வெற்றி பெற்றதை அடுத்து இரண்டாவது போட்டியிலும் ஆஸ்திரேலியா 64 ரன்கள் வித்தியாசத்தில் வெற்றி பெற்றுள்ளது.
டாஸ் வென்ற இங்கிலாந்து அணி, ஆஸ்திரேலியாவை பேட்டிங் செய்யுமாறு கேட்டுக்கொண்டது. இதையடுத்து முதலில் களமிறங்கிய ஆஸ்திரேலிய அணி 49 ஓவர்களில் 309 ரன்கள் குவித்தது. கேப்டன் ஸ்மித் 70 ரன்களும், மார்ஷ் 64 ரன்களும், பெய்லி 54 ரன்களும், மாக்ஸ்வெல் 49 ரன்களும் எடுத்தனர்.
இதையடுட்த்ஹு 310 ரன்கள் எடுத்தால் என்ற கடின இலக்கை நோக்கி விளையாடிய இங்கிலாந்து அணி, 42.3 ஓவர்களில் அனைத்து விக்கெட்டுக்களையும் இழந்து 245 ரன்கள் எடுத்துள்ளது. கேப்டன் மோர்கான் மட்டுமே பொறுப்புடன் விளையாடி 85 ரன்கள் எடுத்தார்.
இருஅணிகளுக்கும் இடையேயான 3வது ஒருநாள் போட்டி நாளை மான்செஸ்டர் நகரில் நடைபெறவுள்ளது.
