ரஜினி, விக்ரம் படங்களால் பின்வாங்கிவிட்டதா ‘தல 56?
சிறுத்தை சிவா இயக்கத்தில் அஜீத் நடித்து வரும் ‘தல 56’ படத்தின் டைட்டில் குறித்த அறிவிப்பு இன்று மதியம் 1 மணிக்கு நடைபெறும் பிரஸ் மீட்டில் அறிவிக்கப்படும் என தகவல் வெளியானது. ஆனால் தற்போது வந்துள்ள புதிய தகவலின்படி ‘தல 56’ படத்தின் டைட்டில் குறித்த அறிவிப்பு இன்று வெளியாகாது என்றும் இன்னும் ஒருசில நாட்கள் கழித்தே வெளியாகும் என்றும் கூறப்படுகிறது
இதனால் நாளை வியாழக்கிழமை, டைட்டில் வெளியாகும் என பெரும் எதிர்பார்ப்புடன் இருந்த அஜீத் ரசிகர்களுக்கு பெரும் ஏமாற்றம் மட்டுமே மிஞ்சியுள்ளது.
மேலும் நாளை சூப்பர் ஸ்டார் ரஜினி நடிக்கும் ‘கபாலி’ படத்தின் பர்ஸ்ட் லுக், விக்ரம் நடித்துள்ள ’10 எண்றதுக்குள்ள’ படத்தின் பர்ஸ்ட் லுக் ஆகியவை வெளியாவதால், ‘தல 56’ டைட்டில் அறிவிப்பு ஒத்தி வைக்கப்பட்டுள்ளதாக கூறப்படுகிறது.
ஆனால் அதற்குள் ரஜினி மற்றும் விக்ரம் படங்களின் அறிவிப்பை அடுத்தே ‘தல 56’ படத்தின் அறிவிப்பு பின்வாங்கப்பட்டதாக விஜய் ரசிகர்கள் டுவிட்டரில் டுவீட் செய்து வருகின்றனர். மேலும் #Thala56ScaredAboutKabali என்ற புதிய ஹேஷ்டேக்கையும் உருவாக்கியுள்ளனர்.
