தாஜ்மஹாலை சுற்றிப்பார்த்த ஜப்பான் பெண் திடீர் மரணம்
உலக அதிசயங்களில் ஒன்றான தாஜ்மாஹாலை சுற்றிப் பார்க்க வந்த ஜப்பான் நாட்டுப் பெண், படியில் இருந்து தவறி விழுந்து தலையில் பலத்த காயம் அடைந்த காரணத்தால் பரிதாபமாக உயிரிழந்தார்.
ஜப்பான் நாட்டை சேர்ந்த 66 வயது பெண் ஹச் யுடா என்பவர் தனது நண்பர்களுடன் கடந்த சில நாட்களுக்கு முன்னர் இந்தியாவுக்கு சுற்றுலா வந்திருந்தார். அவரும் அவருடைய நண்பர்களும் டெல்லியில் உள்ள பதேப்பூர் சிக்ரி, ஆக்ரா கோட்டை ஆகியவற்றை சுற்று பார்த்து விட்டு நேற்று மாலை தாஜ்மஹாலுக்கு வந்தனர்.
தாஜ்மஹால் உள்ளே சுற்றிப் பார்த்து கொண்டிருக்கும் போது, படிக்கட்டில் நின்று கொண்டிருந்த ஹிடிகோ திடீரென நிலைத் தடுமாறி கீழே விழுந்தார். இதில் அவர் தலையில் பலத்த காயம் ஏற்பட்டதால் அந்த இடத்திலேயே அவர் மயங்கி விழுந்தார். உடனடியாக சுற்றுலாத்துறை அதிகாரிகளின் உதவியோடு அவரை மருத்துவமனைக்கு கொண்டு சென்ற அவரது நண்பர்கள் அவரை மருத்துவமனையில் சிகிச்சைக்காக சேர்த்தனர். ஆனால் அவர் ஏற்கெனவே இறந்துவிட்டதாக மருத்துவர்கள் தெரிவித்ததால் அவரது நண்பர்கள் அதிர்ச்சி அடைந்தனர்.
இது குறித்து சுற்றுலாத்துறை அதிகாரிகள் ஜப்பான் தூதரகத்துக்கு தகவல் தெரிவித்துள்ளனர். இது குறித்து விசாரணை நடத்தி வருவதாகவும். அவை முடிந்தவுடன் யூடோவின் உடல் ஜப்பானுக்கு அனுப்பிவைக்கபடும் என்றும் அதிகாரிகள் தெரிவித்தனர்
