“புலி”யை பதுங்க வைத்த ‘தல 56” டைட்டில்
கடந்த இரண்டு நாட்களாக டுவிட்டர் மற்றும் ஃபேஸ்புக்கில் புலி’யின் ராஜ்ஜியம்தான் கொடிகட்டி பறந்தது. ‘புலி’ படத்தின் ரிலீஸ், தியேட்டர் எண்ணிக்கை, ஸ்ரீதேவியின் நடிப்பு, விஜய்யின் வியாபாரம் ஆகியவை குறித்து டுவிட்டரில் டிரெண்டாகி வந்த நிலையில் சற்று முன் திடீரென நிலைமை தலைகீழாக மாறிவிட்டது. அதற்கு காரணம் அஜீத் நடித்து வரும் ‘தல 56’ படத்தின் டைட்டில் அறிவிப்புதான்
‘தல 56’ படத்தின் டைட்டில் இன்று இரவு 11.30 மணிக்கு அதிகாரபூர்வமாக அறிவிக்கப்படும் என்ற தகவல் வெளிவந்தவுடன் அஜீத் ரசிகர்களால் டுவிட்டர் அதிர்ந்தது. டிரெண்டில் இருந்த ‘புலி’யின் ஹேஷ்டேக்குகள் ஓரம்கட்டப்பட்டு அஜீத்தின் #SpectacularThala56FLTonight என்ற டைட்டில் உலக அளவில் டிரெண்டாகியுள்ளது.
டைட்டில் அறிவிப்பு என்ற அறிவிப்புக்கே இந்த டிரெண்ட் என்றால் இரவு 11.30க்கு மேல் டுவிட்டர் என்ன பாடுபடும் என்பதை நினைக்கவே அதிர்ச்சியாக உள்ளது. தல ரசிகர்கள் கம்ப்யூட்டர்முன் இன்று இரவு தயாராக இருப்பார்கள் என்பதில் எள்ளளவும் சந்தேகம் இல்லை. விஜய்யின் ரசிகர்கள் ‘புலி’ செய்தி டுவிட்டரில் ஓரங்கட்டப்பட்டது குறித்து அதிர்ச்சியில் உள்ளனர்.
