சிறந்த நடிகர் யார்? தந்தி டிவி கருத்துக்கணிப்பில் அஜீத் முதலிடம். விஜய்க்கு 3வது இடம்.
கடந்த சில மாதங்களுக்கு முன்னர் முன்னணி வார இதழ் ஒன்று எடுத்த சர்வே அடுத்த சூப்பர் ஸ்டார் யார்? என்பது. இந்த சர்வேயில் அஜீத்துக்கும், விஜய்க்கும் கடுமையான போட்டி இருந்த நிலையில் விஜய் வெற்றி பெற்றதாக அறிவிக்கப்பட்டார். பணம் கொடுத்த இந்த பட்டத்தை விஜய் தரப்பு வாங்கியதாக ஒரு சர்ச்சையும் எழுந்தது.
இந்நிலையில் நேற்று பிரபல தொலைக்காட்சியான தந்தி டிவி கடந்த 1990களில் சிறந்த நடிகராக விளங்கியவர் யார்? என்ற கருத்துக்கணிப்பை எடுத்தது. இந்த கருத்துக் கணிப்பில் அஜீத்துக்கு 24 சதவீதமும், விக்ரமுக்கு 23 சதவீதமும், விஜய் மற்றும் சூர்யாவுக்கு 18 சதவீதமும், மற்ற நடிகர்களுக்கு மிகவும் குறைவான சதவீத வாக்குகளும் கிடைத்துள்ளது. அடுத்த சூப்பர் ஸ்டார் பட்டம் வாங்கிய விஜய், மூன்றாவது இடத்திற்கு தள்ளப்பட்டுள்ளது அவரது ரசிகர்களுக்கு பெரும் அதிர்ச்சியை அளித்துள்ளது.
ஆண், பெண் என தனித்தனியாக எடுக்கப்பட்ட இந்த கருத்துக்கணிப்பில் இருபாலருமே அஜீத்துக்கு பெரும் ஆதரவு அளித்துள்ளது இந்த சர்வேயில் தெரியவந்துள்ளது. ‘புலி’ திரைப்படம் ரிலீஸாக இன்னும் இரண்டே நாட்கள் உள்ள நிலையில் இந்த சர்வே விஜய் ரசிகர்களை அதிருப்தி அடைய செய்துள்ளதாக கூறப்படுகிறது.
