அஜீத்துக்கு அடுத்த இடம்தான் சூப்பர்ஸ்டாருக்கு. பிரபல நடிகை கருத்து
தமிழில் பவர்ஸ்டார் என்ற பெயரில் காமெடி நடிகர் ஒருவர் இருந்தாலும் தெலுங்கில் பவர்ஸ்டார் என அழைக்கப்படும் பவன்கல்யாண் சூப்பர் ஸ்டாருக்கு இணையானவராக கருதப்படும் வகையில் உள்ளார். இவரது படங்கள் ஆந்திரா மற்றும் தெலுங்கானாவில் சூப்பர் ஹிட் ஆகி வருகிறது. பவர்ஸ்டார் பவன்கல்யாண் தற்போது ‘சர்தார் கப்பார் சிங்’ என்ற படத்தில் நடித்து வருகிறார்.
கதை, திரைக்கதை, தயாரிப்பு, நடிப்பு என தனது முழு திறமையையும் அவர் இந்த படத்தில் காட்டி வருகிறார். இந்த படத்தில் பவன்கல்யாணுக்கு ஜோடியாக காஜல் அகர்வால் மற்றும் ராய்லட்சுமி ஆகியோர் நடித்து வருகின்றனர். மேலும் அஜீத்தின் ‘வேதாளம்’ படத்தில் வில்லனாக நடித்து வரும் கபீர்சிங்கும் இந்த படத்தில் வில்லனாக நடித்து வருகிறார்.
இந்நிலையில் இந்த படத்தில் பவர்ஸ்டாருடன் நடித்தது குறித்த தனது அனுபவங்கள் குறித்து நடிகை ராய்லட்சுமி தனது டுவிட்டரில் கூறியபோது, ‘எனக்கு தெரிந்து தல அஜீத்தை அடுத்து மனிதநேயம் உடைய ஒரு நடிகர் என்றால் அவர் பவன்கல்யாண் மட்டுமே என்று கூறியுள்ளார். நடிகை ராய்லட்சுமியின் இந்த டுவீட் டிரெண்டை ஏற்படுத்தியுள்ளது. ஆயிரக்கணக்கான அஜீத் ரசிகர்களும், பவன்கல்யாண் ரசிகர்களும் ராய்லட்சுமிக்கு வாழ்த்துக்களும், நன்றிகளையும் தெரிவித்து வருகின்றனர். மேலும் ராய்லட்சுமி தனது டுவிட்டரில் பவன்கல்யாணுடன் எடுத்துக்கொண்ட செல்பி புகைப்படத்தையும் பதிவு செய்துள்ளார் என்பது குறிப்பிடத்தக்கது. ராய்லட்சுமி ஏற்கனவே அஜீத்துடன் ‘மங்காத்தா’ படத்தில் நடித்துள்ளார் என்பது குறிப்பிடத்தக்கது.
