ரஷ்ய தலைவரை போல் இந்த ஸ்டாலினும் இரும்பு மனிதர்தான் .கருணாநிதி
திமுக பொருளாளரும், திமுக தலைவர் கருணாநிதியின் மகனுமான மு.க.ஸ்டாலின் கடந்த சில நாட்களுக்கு முன்னர் கன்னியாகுமரியில் ஆரம்பித்த ‘நமக்கு நாமே’ என்ற முதல்கட்ட சுற்றுப்பயணம் திருச்சியில் நேற்று முன் தினம் முடிவடைந்தது. இதனை அடுத்து அவர் மரியாதை நிமித்தமாக தி.மு.க தலைவர் கருணாநிதியை சந்தித்து ஆசி பெற்றார்.
இந்நிலையில் புதுக்கோட்டை – கரூர் மாவட்டத்தை சேர்ந்த ம.தி.மு.க நிர்வாகிகள் சிலர் இன்று தி.மு.கவில் இணைந்தனர். இந்த இணைப்பு விழா நிகழ்ச்சியில் பேசிய திமுக தலைவர் கருணாநிதி, ‘வீட்டில் பிறந்த மக்களில் இந்த குழந்தைக்குதான் ஸ்டாலின் என்று பெயரிட்டேன். ரஷ்யத் தலைவர் ஸ்டாலினுக்கு ஏன் இந்த பெயர் வந்தது தெரியுமா? ஸ்டாலின் என்றால் ‘இரும்பு மனிதர்’ என்று பொருள்.
எனவே அந்த பெயரையே இந்த குழந்தைக்கு சூட்டினேன். அப்போதே எனக்குள் இந்த குழந்தை இரும்பு மனிதராக வருமென்ற உணர்வு ஏற்பட்டது. நான் நினைத்தபடியே ஸ்டாலின் இப்போது ஸ்டாலினாகவே உருவெடுத்துள்ளார். அவர் ஸ்டாலினாகவே நிர்வாகத்தை நடத்துவார். மக்களுக்கு நல்லுதவிகள் பல செய்வார்” என்று கூறினார்.
