பி.எஸ்.சி. (செவிலியர்) செவிலியர் பட்டயப் படிப்புகளுக்கான இறுதிக் கட்டக் கலந்தாய்வு சென்னை ஓமந்தூரார் பல்நோக்கு மருத்துவமனையில் செவ்வாய்க்கிழமை (அக். 13) நடைபெறவுள்ளது.
பி.எஸ்.சி. செவிலியர்: சுயநிதிக் கல்லூரிகளில் உள்ள 1,364 அரசு ஒதுக்கீட்டு இடங்களுக்கு அக். 13, 14, 15 ஆகிய 3 நாள்கள் நடைபெறும் கலந்தாய்வில் பங்கேற்க 3,119 மாணவர்கள் அழைக்கப்பட்டுள்ளனர்.
பட்டயப் படிப்பு: அரசு செவிலியர் பயிற்சிப் பள்ளிகளில் காலியாக 298 இடங்களுக்கு 13-இல் நடைபெறும் கலந்தாய்வில் பங்கேற்க 651 மாணவிகள் அழைக்கப்பட்டுள்ளனர்.
இது குறித்து மருத்துவக் கல்வி தேர்வுக் குழுத் தலைவர் உஷா சதாசிவம் கூறியது:
காலை 9 மணிக்கு கலந்தாய்வு தொடங்கும். அழைப்புக் கடிதம் கிடைக்கப் பெறாதவர்கள் தங்கள் கலந்தாய்வு அட்டவணையின்படி, பங்கேற்கலாம். அசல் சான்றிதழ்களுடன் வர வேண்டும் என்றார்.
