‘புலி’ வெற்றியா? தோல்வியா? முரண்பாடான தகவல் வெளியாவதால் குழப்பம் நீடிப்பு
விஜய் நடித்த புலி’ திரைப்படம் மாபெரும் வெற்றி என்று ஒருபுறமும், புலி’ படம் படுதோல்வி என்று மறுபுறமும் கருத்துக்கள் வெளியாகி வரும் நிலையில் நேற்று இந்த படத்தின் தயாரிப்பு நிறுவனமான SKT Studios நிறுவனம், ‘புலி’ திரைப்படத்தின் முதல் வாரத்தில் ரூ.71 கோடி வசூல் என்று தனது டுவிட்டர் பக்கத்தில் பதிவு செய்துள்ளது. ‘புலி’ வெளியாகி இரண்டு வாரங்கள் ஆகிவிட்ட நிலையில் முதல்வார வசூலை மட்டும் இந்த நிறுவனம் வெளியிட்டுள்ளது ஏன் என்பது புரியாத புதிராக உள்ளது.
இந்நிலையில் விஜய்யின் ‘புலி’ உள்பட அவருடைய அனைத்து படங்களையும் கோவை ரிலீஸ் உரிமையை பெற்ற காஸ்மோ சிவா, ‘விஜய் 59′ படத்தின் கோவை ரிலீஸ் உரிமையையும் பெற்றுள்ளார். அவர் கூறியுள்ள ஒரு தகவல் SKT Studios நிறுவனத்தின் தகவலுக்கு முரணாக உள்ளது. அவர், ”புலி’ படம் ஏற்படுத்திய நஷ்டத்தை ‘விஜய் 59’ படத்தின் வசூல் ஈடு செய்யும் என தான் நம்புவதாகவும், குறைந்தபட்சம் ‘புலி’ படத்தால் ஏற்பட்ட நஷ்டத்தின் 50% ‘விஜய் 59’ படத்தின் மூலம் கிடைக்க வாய்ப்பு இருப்பதாக கூறியுள்ளார்.
எனவே ‘புலி’ படத்தின் தயாரிப்பாளர் இந்த படம் வெற்றி என்று கூறிய நிலையில் விநியோகிஸ்தர் நஷ்டம் என்று கூறியிருப்பது இந்த படத்தின் உண்மையான நிலை என்பது புரியாமல் உள்ளது.
