சரத்குமார் vs விஷால். யார் தலைவர்? இன்னும் சில நிமிடங்களில்
தென்னிந்திய நடிகர் சங்க தேர்தல் வாக்குப்பதிவு இன்று காலை 7 மணிக்கு தொடங்கி மாலை 5 மணிக்கு முடிந்தது. இந்த தேர்தலில் 1,824 நேரடி வாக்குகளும், 783 தபால் வாக்குகளும் பதிவாகியுள்ளது. இந்த அளவுக்கு அதிகமாக நடிகர் சங்க தேர்தலில் வாக்குப்பதிவு நடந்தது இதுவே முதல்முறை என்பது குறிப்பிடத்தக்கது.
இந்நிலையில் பதிவான வாக்குகள் எண்ணும் பணி சற்று முன்னர் தொடங்கியது. முதலில் தபால் வாக்குகள் எண்ணப்பட்டு வருகிறது. இரவு ஒன்பது மணிக்கு முடிவுகள் முழுமையாக தெரிந்துவிடும் என எதிர்பார்க்கப்படுகிறது.
வாக்கு எண்ணிக்கை நடைபெறும் மயிலாப்பூர் பள்ளியில் பலத்த பாதுகாப்பு போடப்பட்டுள்ளது.
