முதுநிலை சித்த மருத்துவப் படிப்பில் (எம்.டி.-சித்த மருத்துவம்) மாணவர்களைச் சேர்க்க சென்னை அரும்பாக்கத்தில் உள்ள இந்திய மருத்துவ முறை ஆணையர் அலுவலக வளாகத்தில் வரும் 29-ஆம் தேதி கலந்தாய்வு நடைபெறுகிறது.
அரும்பாக்கம் அரசு சித்த மருத்துவக் கல்லூரியில் உள்ள 34 இடங்களுக்கும், பாளையங்கோட்டை அரசு சித்த மருத்துவக் கல்லூரியில் உள்ள 56 இடங்களுக்கும் கலந்தாய்வு நடைபெறும்.
மேலும், முதுநிலை இயற்கை-யோகா மருத்துவத்தின் அக்குபஞ்சர் பிரிவில் உள்ள ஒரு காலியிடத்துக்கும் அன்றே கலந்தாய்வு நடத்தப்படும் என்று அதிகாரிகள் தெரிவித்தனர்.
