‘அழகிய தமிழ்மகன்’ இயக்குனர் படத்தில் மீண்டும் விஜய்?
விஜய் இரட்டை வேடத்தில் நடித்த ‘அழகிய தமிழ்மகன்’ என்ற திரைப்படத்தை இயக்கிய இயக்குனர் பரதன் மீண்டும் விஜய் படத்தை இயக்கவுள்ளதாக செய்திகள் வெளிவந்துள்ளது.
ஏ.ஆர்.ரஹ்மான் இசையமைப்பில் கடந்த 2007ஆம் ஆண்டு வெளிவந்த ‘அழகிய தமிழ் மகன்’ திரைப்படத்தில் விஜய், ஸ்ரேயா உள்பட பலர் நடித்திருந்தனர். இந்த படம் சுமாராக ஓடினாலும், இந்த படத்தின் இயக்குனர் பரதன் கூறிய ஒன்லைன் த்ரில்லர் கதையை சமீபத்தில் கேட்ட விஜய், இதுவரை தான் நடிக்காத வித்தியாசமான கதை என்பதால் இந்த கதையில் நடிக்க ஒப்புக்கொண்டதாகவும், அட்லி படத்தை முடித்துவிட்டு இந்த படத்தை ஆரம்பிக்கலாம் என்று விஜய் கூறியதாகவும் செய்திகள் வெளிவந்துள்ளது.
அஜீத், தமன்னா நடித்த ‘வீரம்’ படத்தை தயாரித்த விஜயா புரடொக்ஷன்ஸ் நிறுவனம் இந்த படத்தை தயாரிக்கவுள்ளதாகவும், இந்த படத்தின் அதிகாரபூர்வ அறிவிப்பு தீபாவளிக்கு பிறகு வெளிவரும் என்றும் கூறப்படுகிறது. விஜய்யை இயக்குவதாக இருந்த எஸ்.ஜே.சூர்யா, பவன்கல்யாண் நடிக்கும் தெலுங்கு படத்தை இயக்க ஒப்புக்கொண்டதால், பரதனுக்கு வாய்ப்பு கிடைத்துள்ளதாக கூறப்படுகிறது.
English Summary: Vijay joins once again with Azhagiya Tamil Magan director?
