மகாராஷ்டிரா நகராட்சி தேர்தல்: தனித்து நின்று பாஜகவுக்கு அதிர்ச்சி கொடுத்த சிவசேனா
கடந்த பல வருடங்களாக பாஜக மற்றும் சிவசேனா கட்சிகள் இணைந்தே தேர்தலை சந்தித்த நிலையில் முதன்முதலாக மகாராஷ்டிராவில் நடைபெற்ற நகராட்சி தேர்தலில் இரு கட்சிகளும் தனித்தனியாக போட்டியிட்டன. இந்த தேர்தலின் முடிவுகள் தற்போது வெளிவந்துள்ள நிலையில் தனித்து நின்று சிவசேனா மாபெரும் வெற்றியை பெற்றுள்ளது.
122 வார்டுகளை கொண்ட கல்யாண் – டோம்பிவிலி நகராட்சிக்கு நடந்த தேர்தலில் சிவசேனா 52 இடங்களையும், பா.ஜ.க 41 இடங்களையும் பெற்றது. காங்கிரஸ் மற்றும் ராஜ் தாக்கரேவின் நவநிர்மாண் சேனா ஆகிய கட்சிகள் இந்த தேர்தலில் ஒற்றை இலக்கம் கொண்ட இடங்களையும் கைப்பற்றி படுதோல்வி அடைந்தது.
கடந்த சில மாதங்களாக பாஜகவுடன் கருத்து வேறுபாடு கொண்டுள்ள சிவசேனாவிற்கு இந்த வெற்றி ஊக்கத்தை தந்துள்ளதாகவும், விரைவில் பாஜக கூட்டணியில் இருந்து நிரந்தரமாக விலகும் என்றும் கூறப்படுகிறது.
