அர்னால்ட் திடீர் நிபந்தனை. சமாதானப்படுத்த அமெரிக்கா செல்கிறார் ரஜினி?
சூப்பர் ஸ்டார் ரஜினிகாந்த் நடித்து வரும் ‘கபாலி’ படத்தின் படப்பிடிப்பு மலேசியாவில் விறுவிறுப்பாக நடைபெற்று வருகிறது. இந்நிலையில் ரஜினி நடிக்கவிருக்கும் அடுத்த படமான ‘எந்திரன் 2’ படத்தின் ஆரம்பகட்ட பணிகள் விறுவிறுப்பாக நடந்து வருகிறது.
இந்நிலையில் இந்த படத்தின் திரைக்கதை, மற்றும் காட்சி அமைப்புகள் குறித்து அர்னால்டுடன் நேரில் ஷங்கர் பேச முடிவு செய்திருப்பதாகவும், நவம்பர் இறுதியில் அவர் அமெரிக்காவுக்கு அர்னால்டை சந்திக்க செல்லவுள்ளதாகவும் கூறப்படுகிறது.
ஷங்கருடன் ரஜினிகாந்த்தும் அமெரிக்கா செல்லவுள்ளதாகவும், இதற்காக அவர் நவம்பர் இறுதியில் ‘கபாலி’ படத்தின் படப்பிடிப்பிற்கு ஒருசிறு இடைவெளி விட உள்ளதாகவும் செய்திகள் வெளிவந்துள்ளது.
இந்த படத்தின் திரைக்கதையை ஹாலிவுட் திரைக்கதையாசிரியர்களுடன் இணைந்து மாற்ற வேண்டும் என அர்னால்ட் நிபந்தனை விதித்ததால், இந்த சந்திப்பு நடைபெறவுள்ளதாக கூறப்படுகிறது.
