வேதாளம் ரிலீஸ். அஜீத் ரசிகர்களால் பல திரையரங்குகளில் ரகளை, கல்வீச்சு
அஜீத் நடித்த ‘வேதாளம்’ திரைப்படம் நேற்று முன் தினம் தமிழகத்தின் அனைத்து நகரங்களிலும் வெளியாகி வெற்றிகரமாக ஓடிக்கொண்டிருக்கின்றது. இந்நிலையில் ராமநாதபுரம் தியேட்டர் ஒன்றில் அஜீத் ரசிகர்களுக்கும் திரையரங்கு ஊழியர்களுக்கும் ஏற்பட்ட தகராறில் தியேட்டர் மீது கல்வீசி அஜித் ரசிகர்கள் தாக்கியதாக கூறப்படுகிறது.
இதனால் நிலைமையை சமாளிக்க அங்கு பாதுகாப்புக்கு நின்றிருந்த போலீஸார் அஜித் ரசிகர்கள் மீது லேசான தடியடி நடத்தினர். இதனால் கலைந்து ஓடிய ரசிகர்கள் போலீஸார் மீதும் கல்வீசி தாக்கினர். இதில் தாமரைசெல்வன் என்ற ஆயுதப்படை போலீஸ்காரர் காயமடைந்தார். அவருக்கு மருத்துவமனையில் முதலுதவி சிகிச்சை அளிக்கப்பட்டது.
இதேபோல் மதுரை ஜெயா திரையரங்கில் படம் திரையிட காலதாமதம் ஆனதால் ஆத்திரமடைந்த ரசிகர்கள் பஸ்கள் மீது கல்வீசி தாக்குதல் நடத்தியதால் அந்த இடத்தில் பரபரப்பு ஏற்பட்டது. மேலும் ஒருசில திரையரங்குகளும் அஜீத் ரசிகர்கள் ரகளையில் ஈடுபட்டதாக செய்திகள் வெளிவந்தவண்ணம் உள்ளது.
