விஜய் படத்தை இயக்கும் வாய்ப்பு அஜீத்தால் கிடைத்ததா? பரபரப்பு தகவல்
இளையதளபதி விஜய் நடிக்கவுள்ள 60வது படத்தை இயக்கும் பரதன் ‘அழகிய தமிழ்மகன்’ படத்தை இயக்கியவர் என்பது மட்டுமே பலருக்கு தெரியும். ஆனால் இவர் ஏற்கனவே விஜய்யின் இரண்டு படங்களிலும் அஜீத்தின் வீரம்’ படத்திலும் பணிபுரிந்தவர் என்பது பலருக்கு தெரியாத உண்மை ஆகும்.
அஜீத் நடித்த ‘வீரம்’ படத்திற்கு பரதன் தான் வசனகர்த்தாவாக இருந்துள்ளார். அந்த படத்தின் அதிரடி ஆக்சன் வசனங்கள் பெரும் வரவேற்பு பெற்றதை பார்த்த அந்த படத்தின் தயாரிப்பு நிறுவனமான விஜயா புரடொக்ஷன்ஸ், விஜய்க்கு ஒரு கதையை தயார் செய்யும்படி பரதனிடம் கேட்டு கொண்டதாகவும், அவ்வாறு தயார் செய்த கதைதான் ‘விஜய் 60’ கதை என்றும் கூறப்படுகிறது.
மேலும் பரதன், விஜய் நடித்த கில்லி, மதுர, ஆகிய படங்களுக்கும் வசனம் எழுதியுள்ளார். இருப்பினும் ‘வீரம்’ படத்தின் அதிரடி வசனங்களால்தான் பரதனுக்கு விஜய் 60′ வாய்ப்பு கிடைத்ததாக கூறப்படுகிறது.
விஜய் 60′ படத்தில் ஒளிப்பதிவாளராக மதி மற்றும் எடிட்டராக ப்ரவீன் ஆகியோர் பணியாற்றவுள்ளனர். இந்த படத்தில் விஜய்க்கு ஜோடியாக காஜல் அகர்வால் நடிப்பார் என எதிர்பார்க்கப்படுகிறது.
