அமெரிக்க அதிபர் ஒபாமாவுக்கு அடுத்த இடத்தை பிடித்தார் மோடி

அமெரிக்க அதிபர் ஒபாமாவுக்கு அடுத்த இடத்தை பிடித்தார் மோடி

உலக அரசியல் தலைவர்களின் டுவிட்டர் பின் தொடர்பவர்கள் கணக்கில் அமெரிக்க அதிபர் ஒபாமாவுக்கு அடுத்த இடத்தில் இந்திய பிரதமர் நரேந்திரமோடி உள்ளார். இதனால் உலக அளவில் டுவிட்டர் சிங்கம் என அவர் அழைக்கப்படுகிறார்

உலக அளவில் டுவிட்டரில் அதிகம் பின் தொடர்வோர் எண்ணிக்கையில் 66.2 மில்லியன் பேர் அமெரிக்க அதிபர் ஒபாமாவை பின் தொடர்வதால் அவர் முதலிடத்தில் உள்ளார். இவருக்கு அடுத்தபடியாக இந்திய பிரதமர் மோடி 16.1 மில்லியன் அதாவது 1.61 கோடி பின் தொடர்பவர்களுடன் இரண்டாவது இடத்தில் உள்ளார்.

உலக அரசியல் தலைவர்களின் பட்டியலில் இரண்டாவது இடத்தில் மோடி இருந்தாலும் இந்திய அளவில் அவர் மூன்றாவது இடத்தில்தான் உள்ளார். இந்திய அளவில் 1.78 கோடி பின் தொடர்பவர்களுடன் அமிதாப் பச்சன் முதலிடத்திலும்,  நடிகர் ஷாருக்கான் 1.62 கோடி பின் தொடர்பவர்களுடன் 2-வது இடத்தையும் பெற்றுள்ளனர். இந்திய அளவில் மோடிக்கு 3வது இடம்தான் என்பது குறிப்பிடத்தக்கது.

மோடியின் அதிகப்படியான வெளிநாட்டு பயணம்தான் அவருக்கு டுவிட்டரில் அதிக பின் தொடர்பவர்களை கொடுத்துள்ளதாக கூறப்படுகிறது.

English Summary: Prime Minister Modi get second place after obama