ஐதராபாத் திரைப்பட கல்லூரியில் கமல்-அமலா
கடந்த தீபாவளி தினத்தில் வெளியான உலக நாயகன் கமல்ஹாசனின் ‘தூங்காவனம்’ திரைப்படமும், கடந்த 20ஆம் தேதி வெளியான அதன் தெலுங்கு பதிப்பும் நல்ல வசூலுடன் ஓடிக்கொண்டிருக்கின்றது. இந்நிலையில் கமல்ஹாசனின் அடுத்த படத்தின் ஆரம்பகட்ட பணிகள் தொடங்கிவிட்டதாக கூறப்படுகிறது.
ஏற்கனவே கமல்ஹாசனுடன் ‘பேசும் படம்’, ‘வெற்றி விழா’ மற்றும் ‘சத்யா’ ஆகிய படங்களில் ஜோடியாக நடித்த நடிகை அமலா நீண்ட இடைவெளிக்கு பின்னர் மீண்டும் அவருடன் ஜோடியுடன் நடிக்கவுள்ளார். முழுநீள நகைச்சுவை படமாக அமையவுள்ள இந்த படத்தின் படப்பிடிப்பு விரைவில் ஆரம்பமாகவுள்ளது.
இந்நிலையில் கமல்ஹாசன் தன்னுடைய படத்தின் படப்பிடிப்புக்கு செல்லும் முன் ரிகர்சல் செய்வது வழக்கம். அதேபோல் இந்த படத்திற்கான ரிகர்சலை அவர் தொடங்கிவிட்டதாகவும் இந்த ரிகர்சல் ஐதராபாத்தில் உள்ள அன்னபூர்ணா திரைப்பட கல்லூரியில் நடைபெற்று வருவதாகவும் கூறப்படுகிறது. இந்த ரிகர்சலில் கமல், அமலா உள்பட பலர் கலந்து கொண்டனர்.
English Summary: Kamal and Amala rehearsal for next movie
