கனமழை, வெள்ளம் எதிரொலி: சென்னை ஸ்டார் ஓட்டல்களில் புத்தாண்டு கொண்டாட்டங்கள் ரத்து
ஒவ்வொரு ஆண்டும் சென்னை உள்பட இந்தியாவின் முக்கிய நகரங்களில் ஆங்கில புத்தாண்டு தினத்தில் ஸ்டார் ஓட்டல்களில் சிறப்பு விருந்து நிகழ்ச்சி நடைபெறும். ஸ்டார் ஓட்டல் நிர்வாகிகள் போட்டி போட்டு கொண்டு சினிமா நடிகைகளை சிறப்பு விருந்தினர்களாக பலகோடி சம்பளம் கொடுத்து அழைத்து வருவார்கள். இதற்காக டிசம்பர் மாதமே சென்னை காவல்துறையில் அனுமதி பெறப்படும்
ஆனால் இம்மாத தொடக்கத்தில் சென்னையில் பெய்த கனமழை மற்றும் பெருவெள்ளம் காரணமாக சென்னை மக்கள் பெரும் பாதிப்புக்கு உள்ளானதை அடுத்து இந்த ஆண்டு புத்தாண்டு சிறப்பு கொண்டாட்டத்தை கைவிட பெரும்பாலான ஸ்டார் ஓட்டல்கள் முடிவு செய்துள்ளன.
இந்த ஆண்டு ஒருசில நட்சத்திர ஓட்டல் நிர்வாகங்களே நடன விருந்து நடத்த அனுமதி கேட்டுள்ளதாகவும் பெரும்பாலான நட்சத்திர ஓட்டல் நிர்வாகங்கள் நடன விருந்துகள் நடத்தும் முடிவை கைவிட்டிருப்பதாகவும் காவல்துறை அதிகாரிகள் தெரிவித்தனர். ஆனாலும் புத்தாண்டை வரவேற்க சென்னை மக்கள் தயாராகி வருகின்றனர் என்பது குறிப்பிடத்தக்கது.
English Summary: New year celebration cancel in Chennai Star hotels
