‘பாகுபலி 2’ படத்துடன் கனெக்ஷன் ஆகும் சரத்குமார் படம்
மலையாள சூப்பர் ஸ்டார் மம்முட்டி மற்றும் சுப்ரீம் ஸ்டார் இணைந்து நடித்த ‘பழசிராஜா’ என்ற சரித்திர பின்னணி கொண்ட திரைப்படம் தமிழகம் மற்றும் கேரளாவில் சூப்பர் ஹிட் ஆகியது என்பது அனைவரும் அறிந்ததே. இந்த படம் கேரளாவில் உள்ள கண்ணூர் என்ற பகுதியில் பெரும்பாலான காட்சிகள் படமாக்கப்பட்டது.
இயற்கை எழில் சூழ்ந்த இந்த கண்ணூரில் பழசிராஜா படத்திற்கு பிறகு வேறு எந்த திரைப்படத்தின் படப்பிடிப்பும் நடைபெறாத நிலையில் தற்போது எஸ்.எஸ்.ராஜமவுலியின் ‘பாகுபலி 2’ படத்தின் படப்பிடிப்பு நடைபெறவுள்ளதாக கூறப்படுகிறது.
கடந்த சில நாட்களுக்கு முன்னர் இந்த படத்தின் அடுத்தகட்ட படப்பிடிப்பிற்காக இயக்குனர் எஸ்.எஸ்.ராஜமவுலியும், ஒளிப்பதிவாளர் கே.கே.செந்தில்குமாரும் கண்ணூர் பகுதிக்கு வந்து லொகேஷன் பார்த்துவிட்டு சென்றதாக கூறப்படுகிறது.
பிரபாஷ், அனுஷ்கா சம்பந்தப்பட்ட காட்சிகளின் படப்பிடிப்பு இந்த பகுதியில் நடைபெறும் என்று கூறப்படுகிறது.
