மாதவனின் ‘இறுதிச்சுற்று’ இசை வெளியீட்டு விழா

மாதவனின் ‘இறுதிச்சுற்று’ இசை வெளியீட்டு விழா

நீண்ட இடைவெளிக்கு பின்னர் மாதவன் நடித்த ‘இறுதிச்சுற்று’ திரைப்படத்தின் இசை வெளியீட்டு விழா இன்று சென்னையில் நடைபெற்றது. இந்த விழாவில் நடிகர் சூர்யா, சித்தார்த், நாசர், இயக்குனர்கள் விக்ரம்பிரபு, பாலாஜிமோகன், காயத்ரி, புஷ்கார், மற்றும் யூடிவி தனஞ்செயன், இசையமைப்பாளர் சந்தோஷ் நாராயணன் உள்பட பலர் கலந்து கொண்டனர்.

இந்த விழாவில் இறுதிச்சுற்று படத்தின் இரண்டு டிரைலர்கள் வெளியிடப்பட்டன. மேலும் இந்த படத்தில் இடம்பெற்ற இரண்டு பாடல்களை இசையமைப்பாளர் சந்தோஷ் நாராயணன் மேடையிலேயே லைவ்வாக இசையமைத்தார்.

இந்த படத்தில் இடம்பெற்றுள்ள ஐந்து பாடல்களும் ரசிகர்களை கவரும் வகையில் அமைக்கப்பட்டுள்ளதாகவும், இந்த பாடல்கள் அனைத்தும் சூப்பர் ஹிட் ஆகும் என்றும் படக்குழுவினர் நம்பிக்கை தெரிவித்தனர். ‘வேட்டை’ படத்திற்கு பின்னர் மாதவன் நடிப்பில் வெளிவரும் படம் இது என்பது குறிப்பிடத்தக்கது. மேலும் சமீபத்தில் குத்துச்சண்டை கான்செப்ட்டில் வெளிவந்த ‘பூலோகம்’ மிகப்பெரிய வெற்றி பெற்றதால், அதே கான்செப்ட்டில் உருவாகியுள்ள இந்த படமும் நிச்சயம் வெற்றி பெறும் என்று எதிர்பார்க்கப்படுகிறது.