இங்கிலாந்து மீது படையெடுப்போம். ஐ.எஸ்.ஐ.எஸ்.ஐ தீவிரவாதிகள் மிரட்டல்

இங்கிலாந்து மீது படையெடுப்போம். ஐ.எஸ்.ஐ.எஸ்.ஐ தீவிரவாதிகள் மிரட்டல்

சமீபத்தில் பிரான்ஸ் தலைநகர் பாரீஸ் நகரில் வெடிகுண்டு தாக்குதல் நடத்தி அந்நாட்டையே அதிர்ச்சி அடைய வைத்த ஐ.எஸ்.ஐ.எஸ்.ஐ. தீவிரவாதிகள் அடுத்ததாக இங்கிலாந்து நாட்டை குறிவைத்துள்ளதாகவும், இங்கிலாந்து மீது வெகுவிரைவில் தீவிரவாதிகள் படையெடுக்க உள்ளதாகவும் மிரட்டல் வந்துள்ளது. இதனால் பெரும் பரபரப்பு ஏற்பட்டுள்ளது.

சிரியா மற்றும் ஈராக் நாடுகளில் தீவிரவாதம் செய்து ஆதிக்கம் செலுத்தி வரும் ஐ.எஸ்.ஐ.எஸ்.ஐ தீவிரவாதிகள் மீது கூட்டு படையினர் வான்வழி தாக்குதல் நடத்தி வரும் நிலையில், இங்கிலாந்து நாட்டின் ராணுவமும் கூட்டுப்படையில் இணைந்தது. இதனால் கடும் ஆத்திரமடைந்துள்ள தீவிரவாதிகள் சமீபத்தில் இணையதளத்தில் ஒரு வீடியோ பதிவினை வெளியிட்டுள்ளனர். \

அதில் கருப்பு முகமூடி அணிந்த தீவிரவாதிகள் 5 பேரை சுட்டுக்கொல்லும் காட்சி பதிவாகி உள்ளது. அதற்கு முன்னதாக பேசும் தீவிரவாதி 5 பேரும் இங்கிலாந்துக்காக சிரியாவில் உளவு பார்த்தவர்கள் என தெரிவித்தான். விரைவில் இங்கிலாந்து மீது தாங்கள் படையெடுக்க உள்ளதாகவும், அந்த தீவிரவாதி மிரட்டல் விடுத்துள்ளான். இந்த மிரட்டல் காரணமாக இங்கிலாந்து நாட்டில் பாதுகாப்பு பலப்படுத்தப்பட்டுள்ளது.

Chennai Today News: ISISI terrorists threatened to England