விஜய் 60′ வில்லனாகும் மம்முட்டி?
கோலிவுட் திரையுலகில் தற்போது ஹீரோ கேரக்டர்களை விட வில்லன் கேரக்டர்கள்தான் பரபரப்புடன் பேசப்பட்டு வருகிறது. குறிப்பாக தனி ஒருவன்’ படத்தின் வெற்றிக்கு பின்னர் பெரிய ஹீரோக்களே வில்லன்களாக நடிக்க சம்மதித்து வருகின்றனர்.
இந்நிலையில் இயக்குனர் மகேந்திரன், சத்யராஜ் ஆகியோர் விஜய்யின் ‘தெறி’ படத்தில் வில்லன்களாக நடித்து வரும் நிலையில் அவர் நடிக்கவுள்ள 60வது படத்திலும் பிரபல ஹீரோ ஒருவரை வில்லனாக நடிக்க வைக்க இயக்குனர் பரதன் முடிவு செய்துள்ளாராம். இந்த படத்தின் வில்லன் கேரக்டர் ஹீரோ கேரக்டரை விட பவர்புல் கேரக்டர் என்பதால் இந்த படத்தின் வில்லன் வேடத்திற்கு மலையாள சூப்பர் ஸ்டார் மம்முட்டியிடம் அவர் பேச்சுவார்த்தை நடத்தி வருவதாக கூறப்படுகிறது.
ஏற்கனவே விஜய்யின் ஜில்லா படத்தில் மலையாளத்தின் பிரபல நடிகர் மோகன்லால் நடித்துள்ள நிலையில் விஜய் 60 படத்தில் மம்முட்டி வில்லனாக நடிப்பார் என எதிர்பார்க்கப்படுகிறது.
மேலும் இந்த படத்தின் ‘இன்று நேற்று நாளை’ படத்தின் ஹீரோயின் மியா ஜார்ஜ் முக்கிய வேடம் ஒன்றுக்காக ஒப்பந்தம் செய்யப்பட்டுள்ளார்.
