இறுதிச்சுற்று’ படத்திற்கு ஷங்கர், பாலா பாராட்டு
மாதவன், ரித்திகா சிங் நடிப்பில் சுதா இயக்கிய ‘இறுதிச்சுற்று’ திரைப்படம் பெரும் வரவேற்பை பெற்று இரண்டாவது வாரமாக வெற்றிகரமாக தமிழகமெங்கும் ஓடிக்கொண்டிருக்கும் நிலையில் இந்த படத்திற்கு இரண்டு பெரிய இயக்குனர்கள் பாராட்டு தெரிவித்துள்ளனர். பிரமாண்ட இயக்குனர் ஷங்கர் மற்றும் தேசிய விருது பெற்ற இயக்குனர் பாலா ஆகியோர் ‘இறுதிச்சுற்று’ படம் குறித்து கூறிய கருத்துக்களை தற்போது பார்ப்போம்.
பாலா: எந்த படத்தை பார்த்தாலும் ஏதாவது ஒரு குறை எனக்கு தென்படும். அதுவும் எனது படங்களில் மிக அதிகமாக குறை தெரியும். ஆனால் இறுதிச்சுற்று’ படத்தின் கதை, திரைக்கதை, நடிகர்களின் பெர்மாமன்ஸ், இசை, ஆகிய அனைத்துமே இந்த படத்தில் பெர்ஃபெக்டாக இருந்தது. இந்த படத்தில் குறைகளே எனக்கு தென்படவில்லை. பல காட்சிகளில் வசனமே இல்லாமல் இயக்குனர் சுதா ஆடியன்ஸ்களுக்கு புரிய வைத்துள்ளார். மாதவன், ரித்திகா, சுதாவுக்கு எனது பாராட்டுக்கள்
ஷங்கர்: இந்த படம் பெண்களுக்கு சல்யூட் அடிக்கும் வகையில் தயாரிக்கப்பட்டுள்ளது. மாதவன் மற்றும் நாயகி ரித்திகா ஆகியோர் தங்களுடைய மிகச்சிறந்த நடிப்பை வெளிப்படுத்தியுள்ளனர். இயக்குனர் சுதாவின் பணி பாராட்டுதலுக்குரியது. சந்தோஷின் இசையும் மிக அருமை
இந்தியாவின் தலைசிறந்த இயக்குனர்கள் என்று போற்றப்படும் பாலா, ஷங்கர் ஆகியோர்களே இந்த படத்தை பாராட்டியுள்ளதால் இரண்டாவது வாரமாக இந்த படம் தமிழகம் முழுவதும் ஹவுஸ்புல் காட்சிகளாக ஓடிக்கொண்டிருக்கின்றது.
